وزبەكستاندا سوۆەت ءداۋىرى كەزىندە كوسەم بولىپ سانالعانداردىڭ جازعان كىتاپتارى بۇگىندە ماكۋلاتۋراعا اينالعان. ولاردىڭ ورنىندا پرەزيدەنت يسلام كاريموۆتىڭ كىتاپتارى توردە تۇرادى.

–مەكتەپتە بىزگە كاريموۆتىڭ كىتاپتارى شىنى سورەلەردە تۇرۋ كەرەكتىگىن ايتادى. ول كىتاپتاردى ءبىز ساتىپ الىپ، مەكتەپكە اكەلۋىمىز كەرەك ەكەن. ول كىتاپتار مەكتەپتە قالادى. نەگە ءبىز ساتىپ الۋىمىز كەرەك، نەگە مۇنىمەن ءبىلىم مينيسترلىگى اينالىسپايدى، - دەيدى سۋرحانداريا وبلىسىنىڭ مەكتەپ وقۋشىسى.

قۇقىق قورعاۋشىلار بولسا، مەكتەپ وقۋشىلارىن ماكۋلاتۋرا جيناۋعا ماجبۇرلەۋ زاڭعا قارسى دەيدى. "بۇل وقۋشىلاردى ساباقتارىن وقۋعا كەدەرگى كەلتىرەدى. بالالاردى ماكۋلاتۋرا جانە تەمىر جيناۋعا ماجبۇرلەيدى نەمەسە ولاردىڭ ورنىنا اقشا اكەلىڭدەر دەيدى، مۇنىڭ ءبارى قازىرگى وزبەك بيلىگىنىڭ جاساپ وتىرعان بوپسالاۋشىلىق ارەكەتى", – دەيدى تاشكەنتتىك قۇقىق قورعاۋشى سۋرات يكراموۆ.

ميكروفونسىز اڭگىمەلەسۋ كەزىندە سۋرحانداريا وبلىسى ورتا مەكتەپتەرىنىڭ مۇعالىمدەرى تاپسىرمانىڭ ءبارى جەرگىلىكتى اكىمدىكتەن كەلەتىنىن ايتادى. ءوز كەزەگىندە اكىمدىكتەگىلەر بۇيرىق مينيسترلەر كابينەتىنەن كەلگەن دەيدى.

اباي-اقپارات