روسسەلحوزنادزور جەتەكشىسىنىڭ ورىنباسارى يۋليا شۆاباۋسكەنە "ينتەرفاكسقا" بەرگەن تۇسىنىكتەمەسىندە "وسىنداي شەشىم قابىلدانۋ مۇمكىندىگى وتە جوعارى", – دەپ مالىمدەگەن. ونىڭ سوزىنشە، كەلەسى اپتا باسىندا تەكسەرۋ قىزمەتى ازىرگە تىيىم تىزىمىنە ەنبەگەن جەمىس پەن كوكونىس تۇرلەرىن اكەلۋدى توقتاتۋدى قاراستىرۋى مۇمكىن.

رەسەي پرەزيدەنتىنىڭ ءباسپاسوز حاتشىسى دميتري پەسكوۆ12 مامىردا روسسەلحوزنادزوردىڭ بۇل ارەكەتىندە ەشقانداي ساياسي استار جوعىن مالىمدەدى. "روسسەلحوزنادزور ءوزىنىڭ ارنايى جۇمىسىمەن اينالىسادى.…مەنىڭ تۇسىنگەنىمدەي، ول جەردە نە ءۇشىن ەكەنى انىق ايتىلعان", – دەدى پەسكوۆ.

قازىر تۇركيا رەسەيگە جەمىس پەن كوكونىستىڭ ەداۋىر ءتۇرىن ساتا المايدى. رەسەيدە مۇنداي تىيىمدار 2015 جىلدىڭ قاراشاسىندا تۇرىك اسكەري اۋە كۇشتەرى سيريامەن شەكارالاس اۋداندا رەسەيلىك سۋ-24 بومبالاۋشى ۇشاعىن اتىپ تۇسىرگەننەن كەيىن سالىندى..