جەرگە تۇسەر الدىندا كوپتەگەن جان جينالىپ، ءماجىلىس قۇرىپتى. 
ءتاڭىر بىرىنەن سۇراپتى:
— سەن جەرگە نە ءۇشىن بارا جاتىرسىڭ؟ – دەپ. 
— مەن كەشىرۋدى ۇيرەنگىم كەلەدى. 
— كىمدى كەشىرمەكسىڭ؟ اينالاڭا قاراشى، مىنا جاندار قانداي جارىق، نۇرلى، سۇيكىمدى. ولار سەنى شىنايى جاقسى كورەدى، سەن كەشىرەتىندەي ولار نە جاساپ قويۋى مۇمكىن؟ 
جان ماڭايىنداعى اپا-سىڭلىلەرىنە مۇقيات قارايدى. شىنىندا دا بۇل ولاردى قالاي جاقسى كورسە، ولار دا سونشالىقتى رياسىز جاقسى كورەتىنى ءشۇباسىز. 
بۇرتيىپ قالعان جان:
— ال مەن كەشىرۋدى سونداي ۇيرەنگىم كەلىپ ەدى! – دەيدى. 
سول كەزدە جانىنا باسقا ءبىر جان كەلىپ ءبۇي دەگەن ەكەن:
— بۇرتيماشى، سەنى جاقسى كورەتىنىم سونشا سەنىمەن بىرگە جەرگە ءتۇسىپ، سول كەشىرىمدى ۇيرەنۋگە كومەكتەسەم. مەن سەنىڭ كۇيەۋىڭ بولىپ، كوزىڭە ءشوپ سالىپ، اراققا سالىنىپ كەتەم، ال سەن مەنى كەشىرىپ ۇيرەنەسىڭ. 
تاعى ءبىر جان كەلىپ، بىلاي دەيدى:
— مەن دە سەنى قاتتى جاقسى كورەم، سەنىمەن بىرگە بارام، سەنىڭ اناڭ بولام، سەنى جازالاپ، ومىرىڭە ارالاسىپ، باقىتتى عۇمىر كەشۋىڭە كەدەرگى كەلتىرەم، ال سەن مەنى كەشىرۋدى ۇيرەنەسىڭ. 
ءۇشىنشى جان كەلىپ: 
— مەن سەنىڭ جان دوسىڭ بولام. ەڭ كەرەك كەزدە سەنى ساتىپ كەتەم. سەن مەنى كەشىرىپ ۇيرەنەسىڭ، - دەگەن ەكەن. 
جانە ءبىرى كەلىپ: 
— ال مەن سەنىڭ باستىعىڭ بولامىن. سەنى بەرىلىپ سۇيگەندىكتەن ساعان قاتال ءارى قاتىگەز بولام، سەن مەنى كەشىرسىن دەپ ادىلەتسىزدىكتەر جاسايمىن. 
تاعى ءبىر جان اشۋلى، بەرەكەسىز ەنە بولام دەپ ايتادى. 
ءبىر-ءبىرىن جاقسى كورەتىن جاندار جەرگە بارعاندا كىم بولاتىندارىن اقىلداسىپ، كەشىرىمدى قالاي ۇيرەنۋ كەرەك جولدارىن ايتىپ، ۋاعدالاسادى. 
بىراق جەرگە كەلگەن سوڭ وزدەرىنىڭ كىم ەكەنىن، ۋادەلەرىن ەسكە ءتۇسىرۋ قيىنعا تۇسەدى. 
كوبىسى ءومىردى وتكىنشى ەمەس، ماڭگىلىك دەپ قابىلدايدى. ءوزارا رەنجىسىپ، وكپەلەسىپ، سول ءومىردىڭ ستسەناريىن وزدەرى تاڭداعاندارىن، بارىنەن دە ءبىر-ءبىرىن جاقسى كورەتىندىكتەرىن ۇمىتىپ كەتەدى!

اۋدارعان شىنار ءابىلدا

Abai.kz