ۋكراينا ەلشىلىگى كيەۆ تاسىنا گۇل سەبەتىن قويدى
جەڭىس كۇنى قارساڭىندا الەۋمەتتىك جەلىلەردە رەسەي بيلىگىنىڭ باتىر قالا كيەۆ تاسىن ەسكەرۋسىز قالدىرعانى جونىندە جازىلعان ەدى. وندا تەك قاراپايىم ازاماتتاردىڭ گۇل شوقتارىن قويىپ جاتقانى ايتىلعان.
وسىدان كەيىن ۋكراينانىڭ رەسەيدەگى ەلشىلىگى ۋكراين تۋى تۇستەس لەنتامەن وراعان گۇل سەبەتىن كرەمل قابىرعاسىنداعى باتىر قالا كيەۆ تاسىنا قويدى. الدىن كرەمل قابىرعاسىنداعى "بەلگىسىز سارباز قابىرى" ەسكەرتكىشى جانىنداعى ون ەكى باتىر قالا تاسىنا گۇل سەبەتتەرى قويىلىپ، تەك كيەۆ تاسى عانا ەسكەرۋسىز قالعان. وسىدان كەيىن ۋكراين ەلشىلىگى ارنايى بارىپ، گۇل سەبەتىن قويدى دەپ حابارلايدى ديپلوماتيالىق مەكەمەنىڭ وكىلدەرى.
"بەلگىسىز سارباز قابىرى" دەپ اتالاتىن مەموريالدى ارحيتەكتۋرالىق انسامبل كرەمل قابىرعاسىندا 1966–1967 جىلدارى سالىنعان. وندا گرانيت تاسىنان جاسالعان ارنايى تاستار بار. تاستاردا گەرمان-سوۆەت سوعىسىنا قاتىسقان ءاربىر باتىر قالانىڭ اتتارى قاشالىپ، جازىلعان. تاستىڭ ىشىندە سول قالالاردىڭ توپىراقتارى قويىلعان.
اباي-اقپارات
