ءبىلىم بەرۋدىڭ دۋالدى جۇيەسى جول كارتاسىن جۇزەگە اسىرۋ شەڭبەرىندە پوليگرافيا جانە باسپا سالاسى بويىنشا الماتىدا 48 كاسىپورىنمەن جانە 32 كوللەدجبەن 2033 مامان  دايارلاۋ جونىندە 80 كەلىسىمشارت جاسالدى.

پوليگرافيا سالاسى مەن باسپالار ءۇشىن ماماندار دايارلاۋ، قايتا دايارلاۋ، بىلىكتىلىگىن ارتتىرۋ جانە سەرتيفيكاتتاۋ سالالىق كلاستەرى 2014 جىلدىڭ ءساۋىر ايىندا الماتى پوليگرافيا كوللەدجىنىڭ جانىنان قۇرىلعان بولاتىن. ء «بىلىم بەرۋدىڭ دۋالدى جۇيەسى جول كارتاسى» جانە الماتى قالاسى كاسىپكەرلەر پالاتاسى، الماتى قالاسى  اكىمدىگى جانە الماتى قالاسى كاسىپوداقتار وداعى اراسىنداعى وڭىرلىك كەلىسىم، سونداي-اق الماتى قالاسى ءبىلىم باسقارماسىنىڭ سالالىق كاسىپوداقتارمەن جاسالعان كەلىسىمدەرى شەڭبەرىندە اۋقىمدى جوبا ىسكە قوسىلدى. وسى ۋاقىت ارالىعىندا الماتى پوليگرافيا كوللەدجى، قازۇۋ، قازۇتۋ، اتۋ سىندى وقۋ ورىندارىنىڭ بولاشاق پوليگرافيستەرى، ديزاينەرلەرى مەن كىتاپ شىعارۋشىلارى «پوليگرافكومبينات» جشس، «الماتىكىتاپ» جشس جانە ء«داۋىر» جشس كاسىپورىنداردا وندىرىستىك تاجىريبەدەن ءوتتى.

«اتامەكەن» قر ۇكپ باسقارما توراعاسى ابىلاي مىرزاحمەتوۆ  الماتى پوليگرافيا كوللەدجىنىڭ وقۋ-ماتەريالدىق بازاسىن ارالاپ، ورتالىقتىڭ ساپالى قۇرال-جابدىقتارمەن قامتىلۋى مەن ماماندارىنىڭ جوعارى بىلىكتىلىگىنە ءوز باعاسىن بەردى.

«بۇل ءبىزدىڭ ەلىمىز ءۇشىن وتە زاماناۋي جانە جاھاندىق جوبا.  ونىڭ العاشقى ناتيجەلەرى دە ەلەۋلى: بۇل جۇمىسپەن قامتىلعان جۇزدەگەن تۇلەكتەر،  ەكونوميكا ءۇشىن جۇمىسشى ماماندار، بيۋدجەتكە سالىق ءتۇسىمى، حالىقتى جۇمىسپەن قامتۋ ماسەلەسىنىڭ شەشىمىن تابۋى، اقىر سوڭىندا بۇل قازاقستاننىڭ بولاشاعى.  سوندىقتان، ۇلتتىق كاسىپكەرلەر پالاتاسى دۋالدى ءبىلىم بەرۋ جۇيەسىن العا قاراي ىلگەرىلەتە بەرەدى»،  – دەدى ابىلاي مىرزاحمەتوۆ.

ءبىلىم بەرۋدىڭ دۋالدى جۇيەسى جول كارتاسىن جۇزەگە اسىرۋ شەڭبەرىندە الماتىدا 48 كاسىپورىنمەن جانە 32 كوللەدجبەن 2033 ماماندى دايىنداۋ بويىنشا 80 كەلىسىمشارت جاسالعان ەدى. 6 كوللەدج قامقورلىققا الىندى: الماتى قۇرىلىس جانە حالىقتىق كاسىپشىلىك كوللەدجى، الماتى قۇرىلىس-تەحنيكالىق كوللەدجى، الماتى پوليگرافيا كوللەدجى، يندۋستريا جانە قوناقجايلىلىق كوللەدجى، الماتى مەملەكەتتىك جاڭا تەحنولوگيالار كوللەدجى، الماتى مەملەكەتتىك ەنەرگەتيكا جانە ەلەكتروندى تەحنولوگيالار كوللەدجى.

Abai.kz