جەلىدە ن.نازارباەۆ تۋرالى «جۇلدىزدار توعىسقاندا» ءفيلمى تۋرالى تالقى از ەمەس ارينە. فيلم 1984 جىل مەن 1991 جىل ارالىعىنداعى كەزەڭدى قامتيدى. تۋىندى جاڭا تاۋەلسىز مەملە­كەت­تەردىڭ قۇرىلۋى، سونىڭ ىشىندە قازاقستان رەس­پۋبليكاسى تۋرالى باياندايدى.

بۇدان بولەك، كارتينا قازاقستاننىڭ تۇڭعىش پرەزيدەنتىنىڭ ەلدى رەفورمالاۋداعى ءرولى، سونداي-اق، ونىڭ بۇگىندە جاھاندىق اۋقىمداعى جوبالارعا اينالعان باستامالارى جونىندە اڭگىمەلەيدى.

فيلم رەجيسسەرى – رەسەي فەدەراتسياسى مەم­لەكەتتىك سىيلىعىنىڭ لاۋرەاتى، رەسەيدىڭ حالىق ءارتىسى سەرگەي سنەجكين. كينولەنتا الماتىدا جانە ال­ماتى وبلىسىندا، استانادا، قاراعاندىدا، ماس­كەۋ مەن سانكت-پەتەربۋرگتە تۇسىرىلگەن. كارتي­نانى سومداۋ جۇمىسىنا جالپى سانى 10 مىڭعا جۋىق ادام قاتىسقان.

27-ءساۋىر كۇنى «ەل­باسى جولى: جۇلدىزدار توعىسقاندا» كينو­ەپو­پەياسىنىڭ پرەمەرالىق كورسەتىلىمىنە پرەزيدەنت نازارباەۆتىڭ ءوزى بارىپ قاتىسقان ەدى. 

رەسەيلىك رەجيسسەر سەرگەي سنەجكيننىڭ "جۇلدىزدار توعىسقاندا" اتتى ءفيلمى - ۇلت كوشباسشىسى، قازاقستاننىڭ تۇڭعىش پرەزيدەنتى نۇرسۇلتان نازارباەۆ تۋرالى كينوتۋىندىلاردىڭ كەزەكتى سەريالارى.

كينوكارتينادا وقيعا جەلىسى ءبىرىنشى جاقتان باياندالادى. ازيالىق ديكتاتورعا ۇقسايتىن بۇرىنعى كەڭەستىك-پارتيالىق باستىقپەن كەزدەسەمىن دەگەن ويمەن كەلگەن شەتەلدىك جۋرنالسيكە پرەزيدەنت سۇحبات بەرەدى.وتكىر ءارى ىڭعايسىز سۇراقتارىنا اشىق، ەركىن جاۋاپ بەرىپ وتىرعان پرەزيدەنت ءتىلشىنى تاڭ قالدىرادى. وعان كەڭەستىك جانە پوستكەڭەستىك كەزەڭدەگى تاريحي مالىمەتتەرگە جاڭا كوزقاراسپەن - تاۋەلسىز قازاقستاننىڭ تۇڭعىش پرەزيدەنتى اتانىپ، جاڭا دەموكراتيالىق قوعام قۇرۋدا موينىنا اۋىر جۇك تۇسكەن نۇرسۇلتان ءابىشۇلى نازارباەۆتىڭ كوزقاراسىمەن قاراۋعا تۋرا كەلەدى.

3 ساعاتتان استام ۋاقىتقا سوزىلاتىن فيلم ءتۇسىرىلىم توبىنىڭ كاسىبي جۇمىسىنىڭ ارقاسىندا جانە رەجيسسۋرا مەن اكتەرلىك شەبەرلىكتىڭ كومەگىمەن كورەرمەندەردى جالىقتىرمايدى. بەرىك ايتجانوۆ ءوزىنىڭ اكتەرلىك قابىلەتىن شەبەر قولدانىپ، قازاقستان مينيسترلەر كەڭەسىنىڭ توراعاسى، قازاقستان كومپارتياسىنىڭ العاشقى حاتشىسى، قازاقستاننىڭ تۇڭعىش پرەزيدەنتى ءرولىن جاقسى ويناپ شىعادى. ول ىشكى مونولوگتى ءسوزسىز جەتكىزىپ، ءىرى پلانداعى كەيىپكەردىڭ ىشكى جان-دۇنيەسىن كوزبەن عانا كورسەتە الادى.

اقان ساتاەۆتىڭ "انا جۇرەگى" فيلمىندە مەيىرىمدى انا ءرولىن سومداعان التىناي نوگەربەك بۇل كارتينادا سارا الپىسقىزىنىڭ وبرازىن قاتال، بىراق پرەزيدەنتكە، ۇلت كوشباسشىسى نۇرسۇلتان نازارباەۆقا لايىق ادىلەتتى ءارى دانا ايەل رەتىندە كورەرمەندەر نازارىنا ۇسىنادى.

اكتەرلەرى ۇتىمدى تاڭدالعان فيلمگە قازاقستاندىق اكتەرلەردەن بولەك رەسەيلىك، امەريكالىق، مىسىرلىق جانە قىتايلىق اكتەرلەر تارتىلعان.

"جۇلدىزدار توعىسقاندا" كينوكارتيناسى كورەرمەندەرگە جول تارتتى. بىرنەشە كورىنىستەرىندە كەڭەستىك كەزەڭنىڭ تانىمال ساياسي تۇلعالارىنىڭ وبرازى سومدالعان. بۇل كورەرمەندەرگە ءتۇرلى كوزقاراس قالىپتاستىرۋعا سەپتىك بولادى. وتكەن تاريح تۋرالى تۋىندىنىڭ تاعدىرى وسىنداي.

PS: اتالعان ءفيلمنىڭ رەجيسسەرى، رەسەي فەدەراتسياسى مەملەكەتتىك سىيلىعىنىڭ لاۋرەاتى، رەسەيدىڭ حالىق ءارتىسى سەرگەي سنەجكين الماتىداعى «قازاقفيلم» كينوستۋدياسىنا ورىنباسار بولىپ تاعايىندىلعان. 

Abai.kz