الماتىدا بەلگىلى اقىن، قوعام قايراتكەرى مۇحتار شاحانوۆتىڭ شىعارماشىلىق كەشى وتەدى،-دەپ حابارلايدى 31 ارنا تىلشىلەرى.

ۇلت تاعدىرى، ءتىل تاعدىرى ءۇشىن تالاي مىنبەرگە شىعىپ ءسوز سويلەگەن ازاماتتىڭ الماتىداعى كەشى مامىردىڭ 20 جۇلدىزىنا جوسپارلانىپتى.

رەسپۋبليكا سارايىنىڭ ساحناسىندا اقىننىڭ سوزىنە جازىلعان بىرقاتار تانىمال اندەردى قازاقتان ەستراداسىنىڭ جارىق جۇلدىزدارى ورىنداپ، اقىننىڭ وتتى جىرلارى وقىلادى.

اقىندىعى مەن ازاماتتىعى قوس قاناتىنداي  اقىننىڭ شىعارماشىلىعىن كۇللى الەم مويىنداعان. ءتىپتى مۇحتار شاحانوۆقا تۇركى حالىقتارى اراسىنداعى ەڭ ۇزدىك الەم اقىنى اتىعى دا بەرىلگەن.

قازاقستاننىڭ حالىق جازۋشىسى، قىرعىز­ستاننىڭ حالىق اقىنى، «تۇركى تىلدەس حالىقتار اراسىنداعى ەڭ ۇزدىك الەم اقىنى» سىيلى­عىنىڭ يەگەرى مۇحتار شاحانوۆتىڭ شىعار­ماشىلىق كەشى الداعى 20-مامىردا رەسپۋبليكا سارايىندا كەشكى ساعات 19:00-دە باستالادى.

بيلەتتەر رەسپۋبليكا سارايىنىڭ كاس­ساسىندا جانە «جالىن» جۋرنالىنىڭ (پۋشكين كوشەسى 2-ءۇي، 6-قابات) رەداكتسياسىندا ساتىلادى.

Abai.kz