جاقىندا الماتى قالاسىنىڭ مىڭ جىلدىق مەرەيتويى اياسىندا الماتى قالاسىنىڭ اكىمدىگى قازاقستان جازۋشىلار وداعىمەن بىرلەسىپ  «ارۋ قالا – الماتى» اتتى اقىندار ءمۇشايراسىن وتكىزگەن بولاتىن. مۇشايراعا بارلىعى 61 اقىن قاتىسىپ، 190 ولەڭ قارالدى.

ءمۇشايرانىڭ ماراپاتتاۋ كەشى ادەبيەتشىلەر ۇيىندە ءوتتى. باۋىرجان جاقىپ باستاعان قازىلار القاسىنىڭ قۇرامىنا باقىت ساربالاۇلى، ۇلىقبەك ەسداۋلەت، جاناربەك ءاشىمجان جانە مارالتاي رايىمبەكۇلى كىردى.

سونىمەن، بايقاۋ قورىتىندىسى بويىنشا مىنا اقىندار جۇلدەگەر اتاندى:

باس جۇلدە – رافاەل نيازبەكوۆ

ءبىرىنشى ورىن – بولات ۇسەنباەۆ

ەكى ەكىنشى ورىن – جاركەن بودەشۇلى مەن ماقپال مىسا.

ءۇش ءۇشىنشى ورىن – كادىربەك قۇنىپياۇلى،  التىنشاپاق، حاۋتاي ماعيزا قۇناپياقىزى.

ىنتالاندىرۋ سىيلىقتارى – ابدىقادىر بورىبەكۇلى، باتىرحان سارسەنحان جانە نۇرتاس تۇرعانبەك.  

اۆتورلاردى ماراپاتتاۋدىڭ كەشىنە الماتى قالاسى اكىمىنىڭ ورىنباسارى ارمان ورازبايۇلى قىرىقباەۆ قاتىستى.

كەشتى قازاقستان جازۋشىلار وداعىنىڭ حاتشىسى عالىم جايلىباي قۇتتىقتاۋ سوزىمەن اشتى.

ءمۇشايرانىڭ قازىلار القاسىنىڭ شەشىمىمەن اقىن بولات ۇسەنباەۆ ءبىرىنشى ورىن يەگەرى دەپ تانىلدى. اقىننىڭ سىيلىعىن تاپسىرعان جازۋشىلار وداعىنىڭ حاتشىسى، اقىن عالىم جايلىباي ءوز سوزىندە بولات ۇسەنباەۆتىڭ بۇل جۇلدەگە ابدەن لايىق ەكەنىن اتاپ ايتتى. 

سونىمەن، الماتى قالاسىنىڭ مىڭ جىلدىعىنا ارنالعان اقىندار ءمۇشايراسىنىڭ  باس جۇلدەسى اقىن رافاەل نيازبەكوۆكە بۇيىردى. سىيلىقتى قالا اكىمىنىڭ ورىنباسارى ارمان قىرىقباەۆ سالتاناتتى تۇردە تاپسىرىپ، قۇتتىقتادى.

جۇلدە العان بارلىق اقىندار ساحنادا الماتىعا ارنالعان ولەڭدەرىن وقىدى. ءمۇشايرانىڭ بارلىق جەڭىمپازدارى ارنايى ديپلومدارمەن، گۇل شوقتارىمەن قوسا ماراپاتتالدى.  

ءمۇشايرا قورىتىندىلارى بويىنشا ولەڭدەر جيناعى الداعى ۋاقىتتا كىتاپ بولىپ شىعادى.

اباي-اقپارات