نۋرەك قالاسىنداعى № 28 ورتا مەكتەپتىڭ رەسمي اشىلۋ سالتاناتىنا قاتىسۋعا كەلگەن تاجىكستان پرەزيدەنتى ەمومالي راحمون جاۋاپتى ادامداردىڭ دۇرىس جۇمىس ىستەمەۋىنەن، اتا-انالاردىڭ بالالارىن قاداعالاماۋىنان كوپتەگەن جاستاردىڭ ەكسترەميستىك يدەولوگياعا ۇرىنعانىن ايتقان.

"بۇل حاتلون وبلىسىنداعى قاۋىپتى تەندەنتسيانىڭ تاراۋىنىڭ باستى سەبەبى. ۇلتتىق جانە مادەني قۇندىلىقتاردى ناسيحاتتاۋدىڭ ورنىنا تۇرعىندار اراسىندا ىرىمشىل جانە ەكسترەميستىك كوزقاراستار كەڭىنەن جايىلىپ جاتىر", - دەگەن تاجىك پرەزيدەنتى.

راحمون نۋرەك قالاسىنىڭ تۇرعىندارىن ەكسترەميزمگە قارسى ۇلەسىن قوسۋعا شاقىردى. پرەزيدەنت پىكىرىنشە، ەكسترەميزم ادامزاتقا ۇلكەن قاۋىپ تۋعىزىپ وتىر، بۇل قۇبىلىس – الەمگە قاۋىپ توندىرەتىن ناعىز عاسىر تراگەدياسى.

اباي-اقپارات