بۇل تۋرالى قازاقستان حالقى اسسامبلەياسىنىڭ «تاۋەلسىزدىك. كەلىسىم. بولاشاعى ءبىرتۇتاس ۇلت» دەگەن ۇرانمەن وتكەن 24-ءشى سەسسياسىنداعى بايانداماسىندا ايتقان نازارباەۆ كىمدەردىڭ «ارانداتۋشى» دەپ تانىلاتىنىن ناقتىلامادى.

«سوڭعى ۋاقىتتا شەتەلدىكتەرگە قازاقستاننىڭ جەرى ساتىلماق دەگەن جالعان اقپاراتتاردىڭ ۇزدىكسىز جاريالانۋىنان جەر ماسەلەسىنە قاتتى نازار اۋدارىلىپ وتىر. بىرنەشە مارتە ءتۇسىندىرىلدى، مەن دە بۇل شىندىققا سايكەس كەلمەيتىندىگىن ايتتىم. تاعى دا ءبىر مارتە ايتقىم كەلەدى، اۋىل شارۋشىلىعى جەرلەرىن شەتەلدىك ازاماتتار مەن كومپانيالارعا ساتۋ تۋرالى ماسەلە تۇرعان جوق جانە تالقىلانبايدى دا. بۇل تاقىرىپتاعى الىپ-قاشپا سوزدەر نەگىزسىز. ارانداتۋشىلار اشكەرەلەنىپ، ەل زاڭىنا سايكەس جازالانۋى ءتيىس»، – دەدى نازارباەۆ.

نازارباەۆ جەر ساتۋعا جانە اۋىل شارۋاشىلىعى جەرلەرىن جالعا بەرۋگە جەر ماسەلەسىنەن حابارسىز ادامدار قارسى شىعۋدا دەپ سانايدى.

«الاڭعا شىعىپ شۋ شىعارىپ جۇرگەندەر تراكتوردان نە بولماسا اتتان ءتۇسىپ جەتىپ كەلگەندەر ەمەس. ولاردىڭ اۋىل شارۋاشىلىعى جايىندا تۇسىنىگى دە جوق، بۇل جەرلەردىڭ قايدا ەكەنىن دە بىلمەيدى»، – دەدى پرەزيدەنت.

دەگەنمەن ول 24 كوكەكتە اتىراۋدا وتكەن بۇقارالىق ميتينگ پەن وندا قويىلعان تالاپتار تۋرالى ءتىس جارمادى.

اباي-اقپارات