ءپۋتيننىڭ ءباسپاسوز حاتشىسى دميتري پەسكوۆ جۋرناليستەرگە شىن مانىندە ناتو رەسەيدى قاۋىپ رەتىندە كورەتىنى، ال ماسكەۋ بارلىق ەلمەن، ۇيىمدارمەن جاقسى قارىم-قاتىناستا بولعىسى كەلەتىنى تۋرالى مالىمدەدى. «كىمنىڭ كىمگە قاۋىپ توندىرەتىنى تۋرالى ماسەلەگە كەلسەك، بۇل جەردە سوڭعى جىلدارى بريۋسسەلدەگى شتاب-پاتەر مەن ناتو باسشىلىعىنىڭ وكىلدەرى تاراپىنان ءدال رەسەيدى وزدەرىنىڭ باستى قاۋىپ رەتىندە قاراستىراتىنى جايلى مالىمدەمەلەرىن ەسكە سالعىم كەلەدى»، — دەدى پەسكوۆ.

بۇعان دەيىن اقش پرەزيدەنتى باراك وباما CBS تەلەارناسىنا بەرگەن سۇحباتىندا ناتو مەن ەۋروپالىق وداقتى قاۋىپ-قاتەر رەتىندە قاراستىراتىن پرەزيدەنت ءپۋتيننىڭ قاتەلەستىنى جايلى جانە مۇنى رەسەيلىك ارىپتەسىنە بىرنەشە مارتە ايتقانىن مالىمدەدى. «مەن مۇنىڭ قاتە پىكىر ەكەنىن وزىنە دە ايتتىم، ويتكەنى شىندىعىندا سىرتقى الەممەن ارىپتەستىك ورناتۋعا دايىن رەسەي بەرىك، بىرەگەي ەۋروپامەن جاقسى قارىم-قاتىناستان بولۋى كەرەك. ول ءالى كۇنگە وسىعان كوزىن جەتىزە الماي وتىر»، — دەدى اقش پرەزيدەنتى.

اباي-اقپارات