"چەرنوبىلدىكتەردىڭ" بالالارى دەرتتەن كوز اشپاي وتىر
چەرنوبىل اەس-ىندەگى اپات زارداپتارىن جويۋعا 2 مىڭ تاجىكستاندىق قاتىسقان، ولاردىڭ 500-ءى كوز جۇمدى.
سۇمدىق يادرولىق اپاتتىڭ زارداپتارىن جويۋعا قاتىسقان تاجىك ارداگەرلەرى ودان بەرى 30 جىل وتسە دە، سول اپاتتىڭ زاردابىن ءالى تارتىپ وتىرعاندارىن ايتادى.
"چەرنوبىلدىكتەردىڭ وداعى" قوعامدىق ۇيىمىنىڭ توراعاسى فاريدۋن حاكيموۆ اپات سالدارىن جويۋعا قاتىسقانداردىڭ 1 833 بالاسى مۇگەدەك بوپ تۋعانىن ايتادى.
حاكيموۆتىڭ ايتۋىنشا تاجىكستان كەزىندە «چەرنوبىل اەس-ىندەگى اپاتتان زارداپ شەككەن ازاماتتاردى قوسىمشا الەۋمەتتىك كومەك كورسەتۋ بويىنشا قوسىمشا شارالار تۋرالى» شەشىم قابىلداعان، الايدا ەلدەگى ازامات سوعىسىنا بايلانىستى ول جۇزەگە اسپاي العان. تەك 2007 جىلى تاجىكستاندا سول اپاتتان زارداپ شەككەندەرگە الەۋمەتتىك كومەك كورسەتەتىن ارنايى زاڭ قابىلداندى.
اباي-اقپارات
