وباما مەن مەركەل رەسەيدى مينسك كەلىسىمىن ساقتاۋعا شاقىردى
اقش پرەزيدەنتى باراك وباما مەن گەرمانيا كانتسلەرى انگەلا مەركەل گاننوۆەردە كەزدەسۋدە ۋكراينانىڭ شىعىسىنداعى ءبىتىم شارتى بۇزىلىپ وتىرعانىن اتاپ ءوتتى. مەركەل تەز ارادا مينسك كەلىسىمىنىڭ ورىندالۋىنا قول جەتكىزۋىمىز كەرەك دەپ مالىمدەدى.
اقش پرەزيدەنتى گەرمانيا، فرانتسيا جانە اقش-تىڭ ءوزارا قارىم-قاتىناسىنىڭ نەگىزگى ءرولى مەملەكەتتەردىڭ تاۋەلسىزدىگىن قولداۋ جانە ولاردىڭ شەكارالارىنىڭ بۇزىلماۋىنا مۇمكىندىك جاساۋ دەپ اتاپ ءوتتى. وباما مەن مەركەل مينسك كەلىسىمىندەگى مىندەتتەرىن ورىنداعان كەزدە عانا رەسەيگە قارسى سانكتسيانىڭ الىنۋى مۇمكىندىگىن ەسكەرتتى.
گاننوۆەردە وتكىزگەن بىرلەسكەن ءباسپاسوز ءماسليحاتى كەزىندە پرەزيدەنت پەن كانتسلەر اقش پەن گەرمانيانىڭ ميگرانتتار مەن بوسقىندار ماسەلەسىن شەشۋدە ارىپتەستىك جاساۋى ماڭىزدى دەپ اتاپ ءوتتى. مەركەلدىڭ سوزىنشە، سيرياداعى بوسقىندار ماسەلەسىن جەنەۆاداعى بەيبىت كەلىسسوزدە تالقىلاۋ ماڭىزدى.
قۇراما شتاتتار گاننوۆەردە جىل سايىن وتەتىن جارمەڭكەگە ارىپتەس ەل رەتىندە ءبىرىنشى رەت قاتىسىپ وتىر.
اباي-اقپارات
