قازاق قوعامى جەردى شەتەلدىكتەرگە جالعا بەرمەۋ جونىندە باستاما كوتەرىپ، الاشاپقىن بولىپ جاتقاندا قازاقستاندىق گوموسەكسۋالدار الماتىنىڭ گوركي اتىنداعى ساياباعىندا گەي-فەستيۆال وتكىزبەكشى. بۇل جونىندە Nur.kz "ەكسپرەسس-ك" باسىلىمىنا سىلتەمە جاساي وتىرىپ حابارلادى.
ولار قازىر وسى فەستيۆالدى وتكىزۋ ءۇشىن قاراجات جيناپ جاتقان كورىنەدى. ەگەر دە مەجەلى قاراجاتتى جيناپ ۇلگەرمەسە، ءىس-شارا ارنايى تۇنگى كلۋبتاردىڭ بىرىندە وتەدى-ءمىس. بۇل فەستيۆالگە قاتىساتىندار ارنايى شاقىرتۋمەن عانا باراتىن كورىنەدى.
«ساۋالناما ناتيجەسى بويىنشا، قازاقستاندىقتاردىڭ 82%-ى گەيلەردى جاقسى قابىلدامايدى. ءاربىر ءتورتىنشى گەي وتكەن-كەتكەننىڭ سوققىسىنا جىعىلادى. بىزگە قوقان-لوققى كورسەتەدى، قورقىتۋعا تىرىسادى (…) بۇل فەستيۆال ستەرەوتيپتەردى جويۋعا باعىتتالعان العاشقى قادام بولماق»، — دەيدى ساد.
ءبىر قىزىعى الەكس گەيلەردى جاقتاعانىمەن، لەسبيلەردى «تۇسىنبەيتىن» بولىپ شىقتى. سول سەبەپتى، بۇل ءىس-شاراعا لەسبيلەر شاقىرتىلمادى.
ءشارىپحان قايسار
Abai.kz
