Reuters رودستىڭ سيرياعا قوسىمشا تەحنيكا نەمەسە رەسەيلىك اسكەريلەردى جىبەرۋدىڭ رەسەي ءۇشىن جاعىمسىز سالدارلارى بولۋى مۇمكىن ەكەنىن ايتقانىن جاريالادى. ء"بىز ەڭ دۇرىسى – بار كۇشىمىزدى ديپلوماتيالىق ءۇردىستى قولداۋعا جۇمساۋ دەپ سانايمىز", – دەدى ول.

ەر-ريادتاعى كەزدەسۋگە جينالعاندار قاۋىپسىزدىك ماسەلەلەرىن، راديكالدى لاڭكەستەرمەن بىرلەسىپ كۇرەسۋدى، اقش پەن وڭىردەگى بىرقاتار ەلدىڭ اراسىنداعى شيەلەنىستى باسەڭدەتۋ مۇمكىندىكتەرىن تالقىلاۋدا. وبامامەن بىرگە سامميتكە اقش قورعانىس ءمينيسترى ەشتون كارتەر، مەملەكەتتىك حاتشى دجون كەرري جانە ۇلتتىق قاۋىپسىزدىك كەڭەسشىسى سيۋزان رايس ۇشىپ كەلدى.

سامميت قارساڭىندا باراك وبامانى ساۋد ارابياسىنىڭ كورولى سالمان بەن ابدەل ازيز ال ساۋد قابىلدادى. اقش پرەزيدەنتى كەزدەسۋ بارىسىندا "يسلام مەملەكەتى" لاڭكەستىك توبىمەن كۇرەستى كۇشەيتۋ قاجەتتىگىن مالىمدەدى.

پارسى شىعاناعىنداعى اراب ەلدەرىنىڭ ىنتىماقتاستىعى كەڭەسىنە ساۋد ارابياسى، باحرەين، بىرىككەن اراب امىرلىكتەرى، كۋۆەيت، كاتار جانە ومان كىرەدى.

اباي-اقپارات