ەرەۆاندا رف ءسىم باسشىسىنىڭ كەلگەنىنە قارسىلىق ءبىلدىردى
بۇگىن رەسەيدىڭ سىرتقى ىستەر ءمينيسترى سەرگەي لاۆروۆ ارميان ارىپتەسى ەدۆارد نالبانديانمەن كەزدەسپەك.
وسى كەزدەسۋدىڭ قارساڭىندا قوعام بەلسەندىلەرى ارمەنيا استاناسىندا سەرگەي لاۆروۆتىڭ ەلگە كەلۋىنە قارسىلىق ءبىلدىرىپ، نارازىلىق شاراسىن وتكىزدى.
شاراعا قاتىسۋشىلار ەرەۆانداعى بوستاندىق الاڭىنان رەسەي ەلشىلىگىنە دەيىن ءجۇرىپ ءوتىپ، سول جەردە پوليتسيامەن قاقتىعىستى.
بەلسەندىلەر لاۆروۆتى تاۋلى قاراباق قاقتىعىسىن بەيبىت رەتتەۋدىڭ "انتيارمياندىق" جوسپارىمەن كەلدى دەپ سانايدى. ولار سونىمەن بىرگە ازىربايجانعا رەسەيلىك قارۋدى ساتۋدى توقتاتۋدى تالاپ ەتتى. رەسەيدىڭ ءسىم باسشىسى سەرگەي لاۆروۆ ەكىجاقتى قارىم-قاتىناس پەن تاۋلى قاراباق داعدارىسىن شەشۋگە قاتىستى اڭگىمەلەردى تالقىلاۋ ءۇشىن 21 كوكەكتە ەرەۆانعا كەلدى.
اباي-اقپارات
