Осы кездесудің қарсаңында қоғам белсенділері Армения астанасында Сергей Лавровтың елге келуіне қарсылық білдіріп, наразылық шарасын өткізді.

Шараға қатысушылар Еревандағы Бостандық алаңынан Ресей елшілігіне дейін жүріп өтіп, сол жерде полициямен қақтығысты.

Белсенділер Лавровты Таулы Қарабақ қақтығысын бейбіт реттеудің "антиармяндық" жоспарымен келді деп санайды. Олар сонымен бірге Әзірбайжанға ресейлік қаруды сатуды тоқтатуды талап етті. Ресейдің СІМ басшысы Сергей Лавров екіжақты қарым-қатынас пен Таулы Қарабақ дағдарысын шешуге қатысты әңгімелерді талқылау үшін 21 көкекте Ереванға келді.

Абай-ақпарат