قازاقستان رەسپۋبليكاسىنىڭ باس پروكۋرورى

ا. داۋىلباەۆتىڭ نازارىنا!

ارداگەرلەردى قورلايتىن جəنە قازاقتىڭ نامىسىنا تيەتىن ارانداتۋشى توپقا تىيىم سالۋ كەرەك. ويتكەنى، ەكىنشى دۇنيەجۇزىلىك سوعىس ميلليونداعان وتباسىعا قايعى-قاسىرەت اكەلدى.

سول سۇراپىل سوعىستا 60-65 ميلليون ادام قازا تاپقان.  ونىڭ 27 ملن. استامى كەڭەس وداعى حالقى بولسا،  603 مىڭى قازاقستاندىق ەكەنىن تاريحتان بىلەمىز. الايدا، قوعام اراسىندا جəنە əلەۋمەتتىك جەلىدە وسى سوعىستى باستاعان اسا جاۋىز ديكتاتور ادولف گيتلەرگە تابىناتىن، ەسىمىن دəرىپتەيتىن جəنە ناتسيستىك-فاشيستىك يدەولوگيانى ناسيحاتتايتىن توپ شىعىپتى.  ولاردىڭ بۇل əرەكەتتەرى  ۇلكەن قاتەلىك، زور كەمشىلىك، رۋحاني ناداندىق دەپ بىلەمىن.

سەبەبى، ۇلى وتان سوعىسى  — گەرمانيا جəنە ونىڭ فيۋرەرى گيتلەر تاراپىنان باستالىپ، بۇل سوعىس اگرەسسيالىق، جاۋلاپ الۋشى، ادىلەتسىز سوعىس بولدى، ال كەڭەس وداعى تاراپىنان ادىلەتتى وز جەرىن قورعاعان، ازاتتىق وتان سوعىسى بولعانىن تاريحتان بىلەمىز.

ناتسيستىك كوزقاراستاعى توپ 20 سəۋىردە فيۋرەر گيتلەردىڭ تۋعان كۇنىن اتاپ وتپەكشى جəنە ەسكەرتكىش تۇرعىزۋدى قولعا الماقشى.  "سوعىس باستاعان گيتلەر ەمەس جəنە ول فاشيست ەمەس" دەپ قىزعىش قۇستاي قورعاۋدا.  ولاردىڭ ايتۋىنشا، قازاقستان تاريحشىلارى ۇلى وتان سوعىسى تۋرالى تاريحتى بۇرمالاعان. وسى ارانداتۋ سوزدەرى ارقىلى وتكەن تاريحقا توپىراق شاشىپ، جاسۇرپاقتىڭ باستارىن قاتىرۋدا. وتانىمىزدىڭ ازاتتىعى ءۇشىن كۇرەسىپ قازا بولعان 27 ميلليون ادامنىڭ ارۋاعىن قورلاپ وتىر.  ەلىمىزدە ساناۋلى قالعان ۇلى وتان سوعىس ارداگەرلەرىنىڭ جۇرەكتەرىنە قاياۋ تۇسىرۋدە. ۇلى وتان سوعىسى تۋرالى جازعان اقىن-جازۋشىلاردىڭ جəنە شىعارمالارىنا، رەجيسسەرلەردىڭ پاتريوتتىق كينولارىن جوققا شىعارۋدا.  وزدەرى قازاق بولا وتىرىپ،   فاشيستىك جاۋىزدى  ناسيحاتتاعانشا، ءوز ۇلتىمىزدىڭ ۇلى تۇلعالارى مەن اسىل كەمەڭگەرلەرىمىزدى جəنە الاش قايراتكەرلەرىن نەگە ءپىر تۇتىپ، دəرىپتەمەيدى؟ 

ناتسيستىك-فاشيستىك توپقا ايتارىم، گيتلەر جەكە پىرلەرىڭىز بولسا،  وعان ارناپ ۇيلەرىڭىزگە التىننان ەسكەرتكىش سالدىرىڭىز. ۇيلەرىڭىزگە مۋزەي اشتىرىپ، بالا-نەمەرەلەرىڭىزگە،  دوستارىڭىزعا دəرىپتەڭىز. بالالارىڭىز بەن نەمەرە-جيەندەرىڭىزدىڭ ەسىمىن نەمەسە يتتەرىڭىزدىڭ اتتارىن ادولف، گيتلەر، گەنريح، گەببەلس، گيمملەر،  فيۋرەر، نەمىس، فاشيست ت. ب  دەپ قويىڭىزدار جəنە تولقۇجاتتارىڭىزعا اريلىق نەمىس دەپ جازدىرىڭىز.

قوعام اراسىندا جəنە əلەۋمەتتىك جەلىدە اسا جاۋىز، قاتىگەز ادامدى دəرىپتەۋلەرى جəنە تاريحتى بۇرمالاۋلارى، ارداگەرلەردى قورلاۋى جۇرتتى دۇرلىكتىرىپ، قازاقتىڭ ار-نامىسىنا ءتيىپ وتىر.

ارانداتۋشىلارعا دەر كەزىندە تىيىم سالماسا، بۇل توپ "باندەروۆشىلار" سياقتى زاڭسىز əرەكەتتەر جاساپ، مۇنىڭ ارتى ۋكراينا ەلىندەگى جاعدايعا ۇلاسىپ، مەملەكەت قاۋىپسىزدىگىنە اسا نۇقسان كەلتىرۋى مۇمكىن. 

كوپ اسقانعا، ءبىر توسقان" دەمەكشى زاڭدى قاداعالاۋ ورگاندارى ناتسيستىك- فاشيستىك كوزقاراستاعى توپقا تىيىم سالۋ كەرەك.

تالعات قاتاۋوۆ

ورال قالاسى.

Abai.kz