اقش-تىڭ قازاقستانداعى توتەنشە جانە وكىلەتتى ەلشىسى  جون كرول مىرزا قازاقستاننىڭ كيەلى ورىندارىن ارالادى. بۇل تۋرالى ەلشى مىرزا اقش ەلشىلىگىنىڭ «فەيسبۋك» جەلىسىندەگى پاراقشاسىندا مالىمدەگەن.

ەلشى جون كرول قازاقستانداعى بەكەت- اتا جانە شولپان – اتا تاريحي ەسكەرتكىشتەرىنە باردى. 

بەكەت اتا جانە شولپان اتا جەر استى مەشىتتەرى ماڭعىستاۋ وبلىسىنداعى قاسيەتتى ورىندار بولىپ سانالادى.

سونداي-اق، اقش ەلشىسى جون كرول مىرزا اقتاۋداعى نازارباەۆ زياتكەرلىك مەكتەبىندە بارىپ، وقۋشىلارمەن كەزدەسۋ وتكىزگەن.

«وزدەرىڭىزگە سەنىمدى بولىڭىزدار، قيىنشىلىق تۋىنداعان زاماندا، ارقاشاندا ونى جەڭىپ، ارى قاراي الدىعا ۇمتىلا الاتىندارىڭىزدى ەستە ساقتاڭىزدار»، - دەيدى اقش ەلشىسى جون مىرزا.

ەستەرىڭىزدە بولسا، اقش ەلشىسى العاش بولىپ قازاقستان حالقىن ناۋرىز مەرەكەسىمەن قازاق تىلىندە قۇتتىقتاعان ەدى. ەندى قازاق حالقى قاسيەتتى دەپ سانايتىن رۋحاني ورتالىققا ءتاۋاپ جاساپتى.

Abai.kz