«وقۋشى» اتتى شارانى حالىقتىق ءبىلىم باسقارماسى مەكتەپ باسشىلىعىمەن بىرلەسىپ وتكىزۋدە.

نامانگان وبلىستىق حالىقتىق ءبىلىم باسقارماسىنداعى دەرەكككوز ورتالىق ازيا جاڭالىقتارى قىزمەتىنە سوڭعى ەكى كۇندە مەكتەپتى تاستاپ بازارلاردا اربامەن تاۋار تاسىپ جۇرگەن نەمەسە اۆتوكولىك جوندەۋ ورىندارىندا جۇمىس ىستەپ جۇرگەن ونداعان بالانى تاپقاندارىن ايتقان.

وزبەكستاندا بارلىق بالا 12 جىلدىق ءبىلىم الۋعا مىندەتتى. 9 سىنىپ بىتىرگەن جاسوسپىرىمدەر مىندەتتى تۇردە اكادەميالىق ليتسەيلەر مەن كاسىپتىك كوللەدجدەردە ۇشجىلدىق ءبىلىم الادى.

باقىلاۋشىلاردىڭ دەرەگىنشە، وزبەكستاندا كوپتەگەن وقۋشى مەكتەپتەن وتباسىلىق جاعدايىنا بايلانىستى قالادى.

تۇرمىسى تومەن اتا-انالار بالاسىنا مەكتەپ كيىمى مەن وقۋعا كەرەك-جاراعىن ساتىپ الىپ بەرە المايدى، وسىنىڭ سالدارىنان كوپتەگەن بالا مەكتەپتى تاستاپ جۇمىس ىستەۋگە ءماجبۇر.

دەگەنمەن نامانگاندىق جۋرناليست ناسىر زاكير وبلىستاعى بالالاردىڭ مەكتەپتەن قالۋىنىڭ باسقا دا سەبەپتەرى بارىن ايتادى.

– بۇعان مۇعالىمدەر دە كىنالى.ولار بالالاردى ءار نارسەگە، ماسەلەن تەوەفوندارىنا اقشا سالۋعا جۇمسايدى. ينتەرنەت كافەدەگى وقۋشىدان: «نەگە ساباق ۋاقىتىندا ويىن ويناپ وتىرسىڭ؟»دەپ سۇراساڭ، ولار: «الاڭداماڭىز، مەن مۇعالىمگە ەسكەرتىپ كەتتىم» دەيدى. قازىر مەكتەپكە بالالار سانى كۇرت تومەندەپ كەتتى، – دەيدى جۋرناليست.

اباي-اقپارات