دەنني ەرناندەستىڭ ايتۋىنشا، رەسەيلىك سۋ-27 جويعىش ۇشاعى تاراپىنان بۇل ارەكەت "قاۋىپتى ءارى كاسىبي بىلىكسىز تۇردە" جاسالعان. ونىڭ سوزىنشە، رەسەيلىك ۇشاق "بەيبەرەكەت ءارى اگرەسسياشىل" مانەۆرلەر جاساپتى.

رەسەيدىڭ قورعانىس مينيسترلىگىنىڭ وكىلى، گەنەرال-مايور يگور كوناشەنكوۆ جاۋاپ رەتىندە رەسەيلىك ۇشاقتىڭ "اۋە كەڭىستىگىن پايدالانۋ تۋرالى حالىقارالىق تالاپتارعا ساي ۇشقانىن" مالىمدەدى. ول سونىمەن بىرگە، سۋ-27 ۇشاعىنىڭ امەريكالىق بارلاۋشى ۇشاققا "تىم قاۋىپتى تۇردە جاقىنداعانىن جوققا شىعاردى.

بۇل وقيعا رەسەيلىك سۋ-24 ۇشاقتارى بىرنەشە كۇن بويى بالتىق تەڭىزىندەگى حالىقارالىق سۋلاردا جۇرگەن امەريكالىق "دونالد كۋك" كەمەسىنە قاۋىپتى تۇردە تىم جاقىن ۇشقاندارىنان كەيىن بولىپ وتىر. امەريكا تارابى بۇل وقيعالاردى قاتاڭ سىنعا العان بولاتىن.

اباي-اقپارات