بريۋسسەلدە مىڭداعان بەلگيالىق قارسىلىق شەرۋىنە شىقتى
بريۋسسەلدىڭ جەتى مىڭعا جۋىق تۇرعىنى جەكسەنبى كۇنى "تەررور مەن وشپەندىلىككە قارسى مارش" وتكىزدى. بۇل شارا بريۋسسەل اۋەجايى مەن مەتروسىندا بولعان، 32 ادامنىڭ ءومىرىن قيىپ، ءۇش جۇزگە جۋىق ادام جارالانعان جارىلىستاردان شامامەن ءبىر اي وتكەندە ۇيىمداستىرىلدى.
شەرۋگە قاتىسۋشىلاردىڭ ءبىر بولىگى مارشتى پوليتسيانىڭ ءىس-قيمىلدارى مەن تەررورعا قاتىسى بار دەگەن كۇدىكتىلەردى ۇستاۋمەن اتى شىققان مولەنبەك اۋدانىنان باستادى. شەرۋ سوڭىنداعى جيىندا بريۋسسەلدەگى لاڭكەستىك شابۋىلدىڭ قۇرباندارىنىڭ تۋىستارى مەن جاپا شەككەندەر ءسوز سويلەدى. ميتينگكە قاتىسۋشىلار بەلگيالىقتاردى "ەۆرەي", "بوسقىن", "مۇسىلمان" قاۋىمداستىقتارىنا بولىنبەۋگە، بىرلىككە شاقىردى.
و باستا شەرۋدى 27 ناۋرىزدا وتكىزۋ جوسپارلانعانىمەن، ەلدە توتەنشە جاعداي ءتارتىبىنىڭ ەنگىزىلگەنىنە جانە جاڭا لاڭكەستىك شابۋىلدارى تۋرالى تاۋەكەلدەردىڭ جوعارى بولۋىنا بايلانىستى كەيىنگە قالدىرىلعان ەدى.
اباي-اقپارات
