اۋعانستاننىڭ سولتۇستىگىندە قۇندىز ءۇشىن ۇرىس ءجۇرىپ جاتىر
اۋعانستاننىڭ قۇندىز قالاسىندا ۇكىمەت اسكەرى ءۇشىنشى كۇن قاتارىنان تالىبتەرمەن سوعىسىپ جاتىر. جەكسەنبى كۇنى تالىبتەر بىلتىر باقىلاۋىندا ۇستاعان قالانى باسىپ الماققا تاعى ارەكەتتەندى.
قالالىق پوليتسيانىڭ باستىعى Reuters اگەنتتىگىنە سوڭعى تاۋلىكتە قۇندىزدىڭ وڭتۇستىك-باتىس بولىگىندەگى بەكەتتەردىڭ شابۋىلعا ۇشىراعانىن حابارلادى. شەنەۋنىكتىڭ ايتۋىنشا، قالانىڭ شىعىس جاعىندا دا تالىبتەرگە تويتارىس بەرىلگەن. ونىڭ دەرەگىنشە، سوڭعى كۇندەرى قارسىلاس 49 ادامىنان ولىدەي ايىرىلعان جانە 61 جاۋىنگەرى جارالانعان. ۇكىمەت اسكەرىنىڭ ءتورت جاۋىنگەرى قازا تاۋىپ، ون ءبىرى جارالانعان
ورتالىق ازيا جاڭالىقتار قىزمەتىنىڭ اۋعانستانداعى دەرەككوزدەرى قالاعا شابۋىل جاساعان تالىبتەر قاتارىندا وزبەكستان مەن تادىكستان ازاماتتارىنىڭ دا سوعىسىپ جاتقانىن حابارلايدى.
بىرنەشە كۇن بۇرىن تالىبتەر "كوكتەمگى شابۋىلدارىن" باستايتىنى تۋرالى مالىمدەگەن.
اباي-اقپارات
