1) جاقىنداسۋ. ايەلدەر ەركەكتەرگە قاراعاندا تەز ارالاسقىش. الەۋمەتكە جاقىن جۇرەدى. ولار اڭگىمەلەسكەندى جاقسى كورەدى. ماحاببات پەن جاقىنداسۋ تۋرالى كينولاردى ۇناتادى. ەركەكتىڭ ويى مەن جۇرەگىندە نە بارىن بىلگىسى كەلەدى. سول ءۇشىن كۇنىنە بىرنەشە رەت قوڭىراۋ شالىپ، «قايداسىڭ؟» دەپ سۇرايدى. ەرىن قاداعالاۋ ءۇشىن قوڭىراۋلاتپايدى. تەك ول تۋرالى نە ويلايتىنىڭىزدى ەستۋ ءۇشىن ىزدەيدى. ايەل جاعىمسىز نارسە ايتىپ تۇرسا، ءدال سول سەزىمدى باستان كەشىپ تۇرادى. سوندىقتان سۇيىكتىسى كوڭىلسىز بولسا، ول ونى سويلەتتىرۋگە بارىن سالادى. ال، ەركەك جالعىز قالعىسى كەلىپ تۇرادى. ەركەك ايەلمەن ءجيى سويلەسۋ كەرەكتىگىن ۇعىنۋى ماڭىزدى. ولاردى تىڭداي ءبىلۋ، قۇشاقتاپ، شەرىن تارقاتۋعا مۇمكىندىك بەرۋ قاجەت.

2) العىس. ايەل ءاربىر ۇساق-تۇيەكتىڭ نازاردا بولعانىن قالايدى. ءاربىر ءسىز ءۇشىن پىسىرىلگەن اس، جۋىلعان كىر، ۇتىكتەلگەن كيىم ءۇشىن العىس ەستىگىسى كەلەدى. ەرى ونىڭ سۇلۋلىعىن باعالاعانىن، ماقتاعانىن، قانداي جاعدايدا دا ءار قيمىلىن باعىپ وتىرعانىن قالايدى.

3) قاۋىپسىزدىك. ايەل ءوزىن قاۋىپسىز سەزىنگىسى كەلەدى. ايەل زاتى وتە نازىك، ءارى قاعىلەز. سىرتىنان مىقتى، بىربەتكەي بولىپ تۇرسا دا، ءاربىرىنىڭ جانىندا ءازىز بولمىستى كىشكەنتاي ءبۇلدىرشىن بار. وعان قامقورلىق تانىتۋ قاجەت. ويتكەنى، قامقورلىقسىز ايەل نازىكتىگىنەن ايىرىلادى. كولىكتەن تۇسكەندە قول بەرۋ، ەسىك اشىپ وتكىزۋ، سومكەسىن كوتەرۋ. ايەلدى بەيجاي قالدىرماس قىلىقتار. مۇنداي قامقورلىق ءۇشىن ولار سۇيۋگە، سىزبەن ماقتانۋعا، سىزگە باسىن ءيىپ وتۋگە بار. 

اۋدارعان شىنار ءابىلدا

Facebook-تەگى پاراقشاسىنان