اقش-تا ورنالاسقان ۇيىم ەسەبىندە بۇرىنعى سوۆەت رەسپۋبليكالارى، بالقان تۇبەگى مەن ورتالىق ەۋروپاداعى 29 ەلدەگى دەموكراتيالىق دامۋعا مونيتورينگ جاساعان. Freedom House ەسەبىندە 29 ەلدەگى دەموكراتيالىق كورسەتكىشتەر سوڭعى 12 جىلدا ۇزدىكسىز تومەندەگەنى ايتىلادى.

ۇيىم سوڭعى 10 جىلدا بيلىك اۋىسپاعان قازاقستان، رەسەي، ازەربايجان، بەلارۋس، تاجىكستان، وزبەكستان جانە تۇركىمەنستانداعى دەموكراتيالىق جاعداي ەرەكشە "بۇلىڭعىر" دەيدى. Freedom House الەمدە مۇناي باعاسىنىڭ ارزانداۋى، اقش پەن ەۋروپا وداعىنىڭ رەسەيگە سانكتسيا سالۋى جانە ماسكەۋدىڭ وعان قارسى سانكتسيالار ەنگىزۋى ايماق ەكونوميكاسىن كەرى كەتىردى دەپ بىلەدى.

ۇيىم ساراپشىلارىنىڭ مالىمەتىنشە، ەكونوميكالىق قيىندىقتار رەسەيدى رەتسەسسياعا ءتۇسىرىپ، قازاقستان، تۇركىمەنستان جانە ازەربايجان سياقتى مۇناي مەن گاز وندىرەتىن ەلدەردە بيۋدجەت ءتۇسىمىنىڭ ازايىپ، ۇلتتىق ۆاليۋتانىڭ قۇنسىزدانۋىنا اكەپ سوقتىرعان.

داعدارىس ەڭبەك ميگرانتتارى مەن سۋبسيديا ارقىلى رەسەيگە تاۋەلدى قىرعىزستان، تاجىكستان، وزبەكستان جانە بەلارۋس سياقتى ەلدەر ەكونوميكاسىنا دا اسەر ەتىپ، 2016 جىلى بۇل ەلدەردىڭ دە رەتسەسسياعا ءتۇسۋ قاۋپىن كۇشەيتكەن.

اباي-اقپارات