اقوردانىڭ رەسمي سايتىنىڭ حابارلاۋىنشا، نازارباەۆ يراندىق بيزنەسمەندەردى تۇركىمەنستان ارقىلى يران مەن قازاقستاندى جالعايتىن تەمىرجولدىڭ مۇمكىندىكتەرىن بارىنشا پايدالانۋعا شاقىرعان.

كەزدەسۋگە يراننىڭ ەنەرگەتيكا، اۋىل شارۋاشىلىعى، قۇرىلىس پەن تاۋ-كەن ءوندىرىس سالالارىندا جۇمىس ىستەيتىن 20-دان استام كومپانياسى وكىلدەرى قاتىسقان.

نازارباەۆ قازاقستاننىڭ ەۋرازيا ەكونوميكالىق وداعىنا (ەاەو) مۇشەلىگى يراننىڭ قازاقستان ارقىلى وسى وداقتاعى باسقا دا ەلدەرمەن كەدەن سالىعىنسىز ساۋدا جاساۋىنا مۇمكىندىك بەرەتىنىن ايتقان. ول سونىمەن قاتار يراندىق بيزنەسمەندەردى قازاقستان ينۆەستورلارعا ۇلكەن جەڭىلدىك ۇسىنا الاتىنىنا دا سەندىرگەن.

نازارباەۆ كەزدەسۋدە قازاقستان يرانمەن مەديتسينا، بيوتەحنولوگيا، اۋىل شارۋاشىلىعى كەشەنى، عارىشتىق تەحنولوگيا سالاسىندا ىنتىماقتاستىق ورناتۋعا مۇددەلى ەكەنىن جەتكىزگەن.

نازارباەۆ تەگەرانعا ەكى كۇندىك ساپارمەن كەشە بارعان. 11 ساۋىردە ول يران پرەزيدەنتى حاسسان روۋحانيمەن جانە وسى ەلدىڭ رۋحاني كوسەمى اياتوللا ءالي حامەنەيمەن كەزدەسكەن.

اباي-اقپارات