№ 21 ورتا مەكتەپتىڭ وقۋشىسى ايبەك سارىباەۆتىڭ ايتۋىنشا، وقيعا سوڭعى ساباقتا بولعان. «مەن ساباققا جاقسى دايىندالىپ كەلدىم. التىنشى سىنىپتىڭ ءبىرىنشى توقسانىندا مەنىڭ بەينەلەۋ ساباعىنان ء"تورتىم" بولدى. ارتىمدا وتىرعان قىز: «بايعۇس-اي، بەينەلەۋدەن ء«تورتىڭ» بار»، - دەدى. «مەن نەگە بايعۇسپىن؟» — دەپ سۇراپ، ارتىما بۇرىلدىم. مۇعالىم ماعان ارتىما بۇرىلماۋىمدى ەسكەرتتى. مەن كەرى بۇرىلعانىمدا، ول قولىنداعى قالامىن ماعان لاقتىردى»، — دەيدى ايبەك.

قالام سول كوزىنە تيگەندە، ودان جىپ-جىلى بىردەڭە اققان. ءارى قاراي ايبەك: «مەن كوزىمنەن بىردەڭە اقتى دەگەنىمدە، ول تىنىش وتىرماسام ەكىنشى كوزىمدى شىعاراتىنىن ايتتى. كوزىم كورمەي قالسا دا، ەشكىمگە ەشتەڭە ايتپادىم. ەرتەسىنە مەكتەپكە كەلىپ مۇنى مۇعالىمگە ايتقانىمدا ول ءمان ءتىپتى ءمان بەرمەدى»، — دەيدى.

دارىگەر بالاعا كوزدىڭ جۇيكە جۇيەسى ءولىپ قالعان دەگەن دياگنوز قويعان، ايبەكتىڭ ءوزى «كوزىنىڭ قاراشىعى شىعىپ كەتتى» دەپ ويلايدى.

2016 جىلدىڭ قاڭتارىندا ارال اۋداندىق سوتى قۋانىش امانوۆاعا 1 ميلليون 585 مىڭ 600 تەڭگە ايىپپۇل سالىپ، بەس جىلعا ۇستازدىق قۇقىعىنان ايىردى جانە بالالارمەن جۇمىس ىستەۋىنە تىيىم سالدى. مەكتەپ ديرەكتورى مۇعالىمگە جاپا شەككەن تاراپقا وتەماقى ەسەبىندە 1 ميلليون 500 مىڭ تەڭگە تولەۋ جانە 72 مىڭ تەڭگە كولەمىندە ماتەريالدىق زالالدى وتەۋ مىندەتتەلگەنىن ايتتى.

اباي-اقپارات