ماسكەۋ رف دۋماسىنىڭ دەپۋتاتى، رلدپ توراعاسى ۆلاديمير جيرينوۆسكيگە ەسكەرتكىش ورناتتى. بۇل تۋرالى BBC-ءدىڭ رەسەيلىك قىزمەتى حابارلادى.

جيرينوۆسكيدىڭ قولادان قۇيىلعان ەسكەرتكىشى ماسكەۋدەگى «الەمدىك وركەندەۋ ينستيتۋتىنىڭ» اۋلاسىنا ورناتىلعان. ەسكەرتكىش ءمۇسىننىڭ اۆتورى رەسەيلىك ءھام كەڭەس كسرو ساۋلەتشىسى زۋراب تسەرەتەلي ەكەن.

ء«تىپتى ماعان ارناپ ەسكەرتكىش اشادى دەپ ويلاماپپىن. مەن سونداي ءبىر اتاقتى ادام ەمەسپىن. عالىم دا ەمەسپىن. ءسىرا، بۇل مەنىڭ ساياسي قايراتكەرلىگىمە بەرىلگەن باعا بولسا كەرەك. بۇگىنگى كۇن ادامزات تاريحىندا نەسىمەن ەستە قالادى؟ ارينە، ءدال وسى سالتاناتتى شارامەن!»، - دەيدى ۆلاديمير جيرينوۆسكي.

رەسەي دۋماسىنىڭ دۇمشە دەپۋتاتى ەكران الدىندا ءوزىنىڭ شوۆينيستىك ءام اگرەسسورلىق مالىمدەمەلەرىمەن تانىلىپ ۇلگەرگەن. اسىرەسە قازاقستاننىڭ مەملەكەتتىك تەرريتورياسىنا كوز الارتىپ، ەلىمىزدىڭ سولتۇستىك وڭىرلەرىنە شۇيلىككەنى تاعى ەسىمىزدە. الماتى قالاسىندا تۋعان رەسەيلىك ساياساتكەر وا ەلدەرىن وككۋپاتسيالاۋ تۋرالى مالىمدەمەلەرى قوعامدىق ورتادا قىزۋ تالقىلانىپ، ءتىپتى كەيبىر وا ەلدەرىنە كىرۋ قۇقىنان ايرىلعان دا.

رف دۋماسىنىڭ دەپۋتاتى جيرينوۆسكي مىرزانىڭ سوڭعى باياندامالارى بريۋسسەلدەگى تەرراكتىگە باعىتتالعان ەدى. وندا جيرينوۆسكي ەۋروپالىقتارعا «جارىلىپ ولە بەرىڭىزدەر» دەگەن ەدى.

سونداي-اق، ۋكرايناداعى جانجالدارعا قاتىستى پىكىرلەرىن ءجيى ءبىلدىرىپ، كيەۆ پەن ەۋروپانى بومبالاۋ تۋرالى ۇسىنىس جاساعان.

نۇرزات توعجان

Abai.kz