فرانتسۋز كينو جۇلدىزى، اكتەر جەرار دەپاردە قر مادەنيەت جانە سپورت ءمينيسترى ارىستانبەك مۇحامەديۇلىمەن كەزدەسۋىندە قازاقستاننىڭ وپەرا ساحناسىنا شىققىسى كەلەتىنىن ايتتى. بۇل تۋرالى مينيسترلىكتىڭ ءباسپاسوز قىزمەتى حابارلادى.

“مەن بىرنەشە رەت وپەرادا ويناپ، ونىڭ قويىلىمدارىنا قاتىسقانمىن. قازاقستاندا كلاسسيكالىق مۋزىكانى وتە قاتتى جاقسى كورەدى. ءارى سىزدەردە دە كەرەمەت وپەرا انشىلەرى بار. مەن شىعارماشىلىق كەڭىستىگى كەڭ جەرلەردى جاقسى كورەمىن، ال ول قازاقستاندا بار”، – دەيدى اكتەر.

ءوز كەزەگىندە مينيستر ارىستانبەك مۇحامەديۇلى دا، جەرار دەپاردەنىڭ قاتىسۋىمەن بولعان، قازاقستاندىق كورەرمەندەرگە جاقسى تانىس “كۇتپەگەن ماحاببات” جانە “دالا داۋىسى” اتتى فيلمدەردىڭ ەل ىشىنەن بولەك شەتەلدە دە تانىمال ەكەنىن ايتىپ ءوتتى.

“بىزگە ءسىزدىڭ “كۇتپەگەن ماحاببات” فيلمىندە ويناعان ءرولىڭىز ۇنادى. بۇل اۋىل بەينەسىن كورسەتەتىن وتە جاقسى كارتينا. بۇدان بولەك بىزدە تاعى بىرنەشە شىعارماشىلىق جوبالار بار. جەرار دەپاردەنىڭ ءار قادامى الەمدىك مادەنيەت پەن ونەردىڭ تىنىسىنىڭ اشىلۋىنا زور ىقپال ەتەدى. مەن قازاقستان-فرانتسۋز شىعارماشىلىق سەرىكتەستىگى ودان ءارى جالعاسا تۇسەدى دەگەن سەنىمدەمىن”، – دەدى مينيستر.

دەرەككوزى: Stan.kz

Abai.kz