وڭتۇستىك قازاقستان وبلىسىندا «سالاماتتى قازاقستان» مەملەكەتتىك باعدارلاماسىن جۇزەگە اسىرۋ بارىسىندا دەنساۋلىق ساقتاۋ باسقارماسى ماقساتتى ينديكاتورلارعا قول جەتكىزدى. ناتيجەسىندە وبلىس حالقىنىڭ سانى 6%-عا، تۇرعىنداردىڭ ءومىر ءسۇرۋ ۇزاقتىعى 3%-عا وسكەن. بۇل تۋرالى بۇگىن وقو ايماقتىق كوممۋنيكاتسيالار قىزمەتىندە وتكەن بريفينگتە وبلىستىق دەنساۋلىق ساقتاۋ باسقارماسىنىڭ باسشىسى سەيتجامال پاكەەۆ مالىمدەدى.

سونىمەن قاتار باسقارما باسشىسى ءوز بايانداماسىندا بيىلعى جىلى بەكىتىلگەن «دەنساۋلىق» مەملەكەتتىك باعدارلاماسى مەن «100 ناقتى قادام» ۇلت جوسپارىن جۇزەگە اسىرۋ ماقساتىندا اۋرۋدى ىقپالداستىرا باسقارۋدى ەنگىزۋ، ساپالى ءدارى-دارمەكپەن قامتاماسىز ەتۋ جانە العاشقى دەڭگەيدە مەديتسينالىق كومەك كورسەتۋ كوزدەلگەنىن اتاپ ءوتتى. ال مەديتسينالىق كومەكتى ىقپالداستىرۋ ۇستانىمى نەگىزىندە وبلىستا (رەگيوناليزاتسيا) جول كارتاسى جاسالالىنىپ وتىر. وندا 6 باعىتقا باسىمدىق بەرىلىپ وتىر. ولار انا مەن بالا دەنساۋلىعىن قورعاۋ، ءجىتى ينفاركت ميوكاردى، ءجىتى مي قاناينالىمى، قاتەرلى ىسىك، ءتۇرلى وقيعالار (جول اپاتى، ۋلانۋ، ت.ب.), تۋبەركۋلەز.

ءباسپاسوز ءماسليحاتىندا بەلگىلى بولعانداي وڭىردە مەملەكەتتىك-جەكەمەنشىك سەرىكتەستىك اياسىندا 10 جوبا جۇزەگە اسىرىلۋ جوسپارلانۋدا. بۇل شىمكەنت قالاسىنداعى وبلىستىق ونكولوگيالىق جانە تۋبەركۋلەزگە قارسى ديسپانسەر، №9,11 شىمكەنت قالالىق ەمحانالارى مەن ماقتاارالداعى اۋداندىق ەمحانا جانە باسقا دا دەنساۋلىق ساقتاۋ نىساندارىنىڭ قۇرىلىسى جۇرمەك.

بريفينگتى قورىتىندىلاعان باسقارما باسشىسى س.پاكەەۆ مەديتسينالىق كومەكتىڭ ساپاسىن ارتتىرۋ ماقساتىندا جۇيەلى شارالار جۇزەگە اسىرىلاتىن ايتتى.

وقو اكىمىنىڭ ءباسپاسوز قىزمەتى

Abai.kz