دۇنيەجۇزىلىك بانكتىڭ باعالاۋىنشا، رەسەيدەگى ەكونوميكالىق داعدارىستىڭ سالدارىنان ەلدىڭ 3,1 ملن تۇرعىنى كەدەيلىك شەگىنەن تومەن كۇيگە تۇسەدى.

بىلتىر ءجىو 3,7 پايىزعا تومەندەگەن، جانە بيىل تاعى 1,1 پايىزعا قۇلدىرايدى دەگەن بولجام بار. حالىقتىڭ كەدەيلەنۋى ونجىلدىق دامۋدىڭ كورسەتكىشتەرىن تارك ەتىپ، رەسەيدى 2007 جىلعى دەڭگەيگە تۇسىرەدى.

اۋىر ەكونوميكالىق جاعدايدان ۇكىمەت بيۋدجەتتى قىسقارتۋعا ءماجبۇر. ناۋرىزدا اقپارات اگەنتتىكتەرى قورعانىس مۇقتاجىنا جۇمسالاتىن شىعىن بەس پايىزعا كەمۋى مۇمكىن ەكەنىن حابارلادى. بۇل ۆلاديمير پۋتين بيلىككە كەلگەن 2000 جىلدان بەرگى ەڭ ۇلكەن قىسقارتۋ بولماق.

بۇل قيىندىقتار رەسەي پرەزيدەنتىنىڭ حالىق اراسىنداعى بەدەلىنە كەرى اسەر ەتە قويماعان، بىراق كرەمل قىركۇيەكتە وتەتىن پارلامەنت سايلاۋى كەزىندە تارتىپسىزدىكتەر بولا ما دەپ الاڭدايدى. دب سونىمەن بىرگە 2017 جىلى رەسەي ەكونوميكاسى 1,1 پايىزعا ءوسۋى مۇمكىن دەپ بولجايدى. .

Abai.kz