سيگمۋندۋر داۆيد گۋننليويگسسون كواليتسيالىق ءۇكىمەت باسشىسى قىزمەتىنەن كەتەدى. بۇل تۋرالى سەيسەنبى كءۇءنى يسلانديالىق ءۇكىمەت مءۇشەسى حابارلادى.

Associated Press اگەنتتىگى ەل پرەزيدەنتىنىڭ ازىرگە گۋننليويگسسوننىڭ قىزمەتىنەن كەتۋ تۋرالى ءوتىنىشىن قابىلداعانى تۋرالى راستاماعانىن حابارلايدى. دۇيسەنبى كۇنى مىڭداعان يسلاندىقتار رەيكياۆيكتە پارلامەنت عيماراتىنىڭ الدىندا ميتينگكە شىقتى. ولار بىرقاتار ەلدىڭ باسشىلارىنىڭ جەمقورلىعىن اشكەرەلەگەن حالىقارالىق جۋرناليستىك زەرتتەۋدىڭ كەيىپكەرىنە اينالعان پرەمەر-ءمينيستردىڭ ورنىنان كەتۋىن تالاپ ەتتى. پانامالىق Mossack Fonseca زاڭگەرلىك كومپانياسىنا قاتىستى زەرتتەۋ قۇجاتتارىندا يسلانديالىق پرەمەر-مينيستر مەن ونىڭ زايىبىنىڭ وفشورلىق كومپانياسى بار ەكەنى تۋرالى جازىلعان. ول جونىندە ساياساتكەر 2009 جىلى پارلامەنتكە سايلانعاندا ءتىس جارماعان.

يسلانديالىقتار گۋننليويگسسون مەن ونىڭ وتباسى ەشكىمگە ايتپاستان شەتەلدە قوماقتى قارجى ۇستايتىنىنا نارازى. يسلانديانىڭ وزىندە 2008 جىلدان بەرى ۆاليۋتالىق رەتتەۋدىڭ قاتاڭ شارالارى جۇمىس ىستەيدى جانە كاپيتال اكەلۋ مەن ونى سىرتقا شىعارۋعا ەداۋىر شەكتەي قويىلعان. Mossack Fonseca قۇجاتتارىندا گۋننليويگسسون وتباسىنىڭ قارجىسى مۇراگەرلىكپەن بەرىلگەنى كورسەتىلگەن.

Abai.kz