"قايرات" فۋتبول كلۋبىنىڭ باس باپكەرى الەكساندر بوروديۋك الماتىلىق كلۋبپەن كەلىسىمشارتتى ءۇزدى، - دەپ حابارلايدى Vesti.kz.

باسىلىمنىڭ مالىمەتىنشە، كەلىسىمشارت رەسەيلىك ماماننىڭ باستاماسىمەن توقتاتىلعان. "كلۋبتىڭ باسشىلىعى باپكەردى قىزمەتىندە قالدىرۋعا تىرىستى، دەگەنمەن الەكساندر بوروديۋك "قايرات" كلۋبىنان كەتۋگە شەشىم قابىلدادى. فۋتبول كلۋبى الەكساندر گەنريحوۆيچكە ءبىزدىڭ كلۋبتا جاساعان جۇمىستارى ءۇشىن العىس ايتىپ، ساتتىلىك تىلەيدى", - دەلىنگەن كلۋبتىڭ حابارلاماسىندا.

بوروديۋكتىڭ قىزمەتىنەن كەتەتىنى تۋرالى مالىمەت الماتىلىق كلۋبتىڭ "اقجايىقتان" جەڭىلىپ قالۋىنان كەيىن شىعا باستاعان ەدى. ءۇش ويىن وتسە دە، "قايراتتىڭ" قورجىنىندا ءبىر-اق ۇپاي بار.

ايتا كەتەيىك، بوروديۋك "قايرات" كلۋبىنىڭ باس باپكەرى قىزمەتىنە 2015 جىلدىڭ 28 جەلتوقسانىندا كەلدى. 53 جاستاعى رەسەيلىك سپورتشى الماتىلىق كلۋبتى ءۇش جىل جاتتىقتىرۋى ءتيىس بولعان.

Abai.kz