قوستانايدىڭ ەكس-اكىمى احمەتبەك احمەتجانوۆقا مەملەكەتتىك ايىپتاۋشى 15 جىلعا باس بوستاندىعىنان ايىرۋ جازاسىن تاعايىنداۋدى سۇرادى، - دەپ حابارلايدى tengrinews.kz. قوستانايدىڭ №2 قالالىق سوتىندا "ۇلكەن اكىمدىك ءىسى" بويىنشا تاراپتاردى قاتار تىڭداۋ باستالدى.

ايىپتاۋشى تاراپ سوتتالۋشىلاردىڭ كىناسىنىڭ تولىقتاي دالەلدەنگەنىن اتاپ ءوتتى. "قىلمىس اۋىر قىلمىستاردىڭ ساناتىنا جاتادى. ەرەكشە قوعاملىق قاۋىپسىزدىك مەملەكەتتىك اپپاراتتىڭ جەكە قۇرىلىمدارمەن بايلانىسۋىندا، بۇل جول بەرۋگە بولمايتىن جاعداي. احمەتجانوۆ قاراجاتتىڭ ءبىر بولىگىن ءوز پايداسىنا ءبولدى، اكىمدىك بولاشاق ءۇي سالۋشىلاردىڭ ەركىن ءجۇرىپ-تۇراتىن جەرىنە اينالدى", - دەدى پروكۋرور تاڭات تاسوۆ.  

احمەتبەك احمەتجانوۆتىڭ بۇرىنعى ورىنباسارى ماقسۇت قاليەۆ بولسا جالپى تارتىپتەگى كولونياعا 4 جىلعا باس بوستاندىعىنان ايىرىلۋى مۇمكىن. كاسىپكەر لەونيد ۆاسيلەۆ پروكۋرور 12 جىل تۇرمەگە قاماۋدى جانە باسقارۋشى قىزمەتتەرگە تۇرۋدان ءومىر بويىنا تىيىم سالۋدى سۇرادى. 

ءىستىڭ تاعى ءبىر فيگۋرانتى - "قۇرىلىسمەتسەرۆيس-2007" جشس ديرەكتورى سەرگەي بىكتىباەۆقا مەملەكەتتىك ايىپتاۋشى 11 جىل باس بوستاندىعىنان ايىرىپ، مۇلكىن تاركىلەپ، باسقارۋشى قىزمەتتەرگە تۇرۋعا ءومىر بويىنشا تىيىم سالۋ جازاسىن تاعايىنداۋدى سۇرادى. "سىل" جشس ديرەكتورى گاگيك وۆنانيان قاتاڭ تارتىپتەگى كولونياعا 10 جىلعا قامالۋى مۇمكىن.

سونىمەن، احمەتبەك احمەتجانوۆ قر قىلمىستىق كودەكسىنىڭ 366-بابىنىڭ 3-بولىگى ء("ىرى سومادا پارا الۋ"), 24-بابىنىڭ 3-بولىگى ("كىسى ولتىرۋگە وقتالۋ") بويىنشا ايىپتالىپ وتىر. ماقسۇت قاليەۆكە قر قىلمىستىق كودەكسىنىڭ 368-بابىنىڭ 2-بولىگى ("پاراقورلىققا دەلدال بولۋ") جانە 24-بابىنىڭ 3-بولىگى ("قىلمىسقا دايىندالۋ جانە قىلمىسقا وقتالۋ") بويىنشا ايىپ تاعىلدى. كاسىپكەر گاگيك وۆنانيان 367-باپتىڭ 4-بولىگى ("پارا بەرۋ") جانە 24-بابىنىڭ 3-بولىگى ("قىلمىسقا دايىندالۋ جانە قىلمىسقا وقتالۋ") بويىنشا ايىپتالىپ وتىر.

ەسكە سالايىق، قوستانايدىڭ بۇرىنعى اكىمى احمەتبەك احمەتجانوۆ 8 قىركۇيەك كۇنى ساعات 17.05-تە قىزمەتىنەن اسىرا پايدالاندى دەگەن كۇدىكپەن ۇستالعان ەدى. 
Abai.kz