استانا اۋەجايىندا جۇرەك تالماسىنان قايتىس بولعان 55 جاستاعى يانگ دجينلين ازيا دامۋ بانكىنىڭ قازاقستانداعى وكىلدىگىنىڭ ديرەكتورى بولىپ شىقتى. بۇل تۋرالى ۆەدومستۆونىڭ رەسمي سايتىندا حابارلاندى.

ۇجىمداستارى يانگ ءدجينليننىڭ قايتىس بولۋىنا بايلانىستى كوڭىل ايتتى. "ۇجىمداستارى ءدجينليندى دارىندى ءارى تاجىريبەلى باسشى عانا ەمەس، جاقسى، اشىق ادام رەتىندە دە ەسكە الادى", - دەدى ازيا دامۋ بانكىنىڭ پرەزيدەنتى تاكەحيكو ناكاو.

قىتاي حالىق رەسپۋبليكاسىنىڭ ازاماتى يانگ دجينلين ادب-دە 2011 جىلدان باستاپ جۇمىس ىستەگەن. ونىڭ باسشىلىعىمەن قازاقستان ەكونوميكاسىنىڭ سەكتورلارىندا ءتۇرلى جوبا جۇزەگە اسىرىلدى.

ەسكە سالايىق، 27 ناۋرىز كۇنى تاڭەرتەڭ استانا اۋەجايىنىڭ تەرريتورياسىندا قىتاي ازاماتىنىڭ دەنەسى تابىلعان بولاتىن.

اباي-اقپارات