استانا - ۇلان-باتىر اۋە رەيسىنە قاتىستى تۇيتكىل ۇكىمەت دەڭگەيىندە قارالۋى مۇمكىن. بۇل تۋرالى "ەير استانا" كومپانياسىنىڭ ءباسپوز حاتشىسى مالىمدەدى.

ماسەلە وسى كۇنگە دەيىن ديپلوماتيالىق جولدارمەن شەشىلمەي وتىر. سوندىقتان ماسەلەگە ۇكىمەت ارالاسۋى مۇمكىن دەيدى، كومپانيا وكىلى.

ەسكە سالا كەتەيىك، رەسەي ءوز اۋە كەڭىستىگى ارقىلى موڭعoليا استاناسىنا ۇشاتىن قازاقستاندىق رەيسكە رۇقسات بەرمەي كەلەدى. كورشى ەل ءترانسسىبىر باعىتتارى بويىنشا 300 شاقىرىم اۋە جولى ءۇشىن قۇن تالاپ ەتۋدە. ال يكاو مالىمەتى بويىنشا، ءترانسسىبىر باعىتى جۇيەسىنە قازاقستاننان موڭعوليا، قىتاي جانە وڭتۇستىك كورەياعا ۇشۋ كەزىندە قولدانىلاتىن اۋە جولدارى كىرمەيدى.

ءبىر قىزىعى - قازاقستان رەسەيلىك بورتتاردىڭ ءۇشىنشى ەلدەرگە ۇشۋىنا ەشقانداي شەكتەۋلەر قويمايدى. ماسەلەن، ءبىر اپتادا رەسەيلىك اۋە كومپانيالارى قازاقستان ارقىلى شامامەن 640 رەيس جاساسا، ال قازاقستان تاراپى رەسەي اۋماعى بويىنشا اپتاسىنا بار بولعانى 25 رەيس جاسايدى.

ايتا كەتۋ كەرەك، بۇگىننەن باستاپ "ەير استانا" ماسكەۋگە كەستەگە ساي قاتىناي باستادى. بۇدان بۇرىن "روساۆيتساتسيا" ماسكەۋگە ۇشۋعا دا شەكتەۋ قويعان ەدى.

اباي-اقپارات