«پiكiرسايىس ءۇشiن بەلگiلەنگەن ەفير ۋاقىتى 90 مينۋت. بۇل ۋاقىت پارتيالار اراسىندا تەڭ بولiنەدi. پىكىرسايىسقا قاتىسۋ ءۇشىن سايلاۋعا قاتىسۋشى ءاربىر ساياسي پارتيادان ءبىر وكىلدەن شاقىرىلادى. قاتىسۋشىلار جەكە باستى قارالاۋدان، ساياسي پارتيانىڭ، ونىڭ مۇشەلەرىنىڭ نامىسىنا، ابىرويى مەن ىسكەرلىك بەدەلىنە نۇقسان كەلتىرەتىن ءسوز ايتۋدان، باسقا ساياسي پارتيالاردىڭ وكىلدەرىن كەمسىتۋدەن اۋلاق بولىپ، جالپىعا بىردەي قابىلدانعان ادەپ نورمالارىن ساقتاۋعا ءتيىس»، – دەدi ورتالىق سايلاۋ كوميسسياسىنىڭ وتىرىسىندا وسك مۇشەسi ءلاززات سۇلەيمەن.
وسك مۇشەسiنiڭ ايتۋىنشا، رەسپۋبليكانىڭ كونستيتۋتسيالىق قۇرىلىسىن كۇشتەپ وزگەرتۋدى، ونىڭ تۇتاستىعىن بۇزۋدى، مەملەكەت قاۋiپسiزدىگىنە نۇقسان كەلتiرۋدى، الەۋمەتتىك، ناسىلدiك، ۇلتتىق، دiني، تەكتiك-توپتىق جانە رۋلىق ارازدىقتى قوزدىرۋدى، قاتىگەزدiك پەن زورلىق-زومبىلىققا باس ۇرۋدى، سونداي-اق زاڭنامادا كوزدەلمەگەن اسكەريلەندiرىلگەن قۇرالىمدار قۇرۋدى ناسيحاتتاۋعا جانە ۇگىتتەۋگە جول بەرىلمەيدى.

اباي-اقپارات