“ماسەلە بۇل توپتا ەمەس، اركىم وزىنشە دارالانعىسى كەلەدى. بارىنە ءبىر ولشەممەن، بىرجاقتى قاراۋدى دوعارۋ كەرەك. ءبىزدىڭ قوعامدا قىزتەكەلەر بار، شوۋ-بيزنەستە دە ولار جەتەرلىك. ەندى سولاردىڭ ءبارىن اتىپ تاستاۋ كەرەك پە؟ نەگە ناعىز “باتىل” سىنشىلار وسى تاقىرىپتى كوتەرمەيدى، بۇعان كەلگەندە، ءبارى دە ۇندەمەي قويا سالادى. ولار دا وزگەشە ادامدار، ەشكىمگە ۇقسامايدى. ءبىز ءبارىمىز دە – وزگەشەمىز. ءوزىنىڭ ەرەكشەلىگىن كورسەتۋگە اركىمنىڭ قۇقىعى بار!”، – دەدى ەسەنتاەۆا ميكروبلوگىندا.

پروديۋسەر بۇل ويىن “91” توبىن جاقتاپ جازعان عالامتور قولدانۋشىسىنىڭ پىكىرىنە سۇيەنە وتىرىپ بىلدىرگەن ەدى.

“سىزدەر “91” توبىنا دەيىن ءومىر سۇرگەن جوقسىزدار ما سوندا؟ جاستار سوندا كىمدى تىڭداۋ كەرەك؟ سىزدەردىڭ ۇلگى تۇتاتىن، تويدىڭ ءانىن ايتاتىن انشىلەرىڭىزدەن جۇرەگىم اينيدى. “91”-ءدى ۇناماسا، تىڭداماي-اق قويىڭىزدار. اركىمنىڭ تالعامى ءار ءتۇرلى”، – دەپ جازعان ەدى الەۋمەتتىك جەلى قولدانۋشىسى.