رەسەي بىتىمگەرلىك تالاپتاردى بۇزىپ جاتىر
سيريالىق وپپوزيتسيا رەسەيدىڭ وق اتۋدى توقتاتۋ تالابىن 15 مارتە بۇزعانىنا قاراماستان بىتىمگەرلىكتى ساقتايتىنىن مالىمدەدى.
جوعارعى كەلىسسوز كەڭەسىنىڭ ءباسپاسوز حاتشىسى ساليم ءال-مۋسلات الەپپو قالاسىندا بىرنەشە اۋە سوققىسى جاساعان رەسەيدىڭ ارەكەتىنە بۇۇ مەن سيرياداعى بەيبىت كەلىسىمدەردى قولداۋشى ەلدەرگە شاعىمدانباقشى ەكەندەرىن حابارلادى.
جەكسەنبى كۇنى رەسەيدىڭ قورعانىس مينيسترلىگى سيرياداعى بىتىمگەرلىكتىڭ ساقتالعانىنا قاراماستان، ءبىر تاۋلىك ىشىندە 9 مارتە ونىڭ شارتتارىن بۇزاتىن وقيعا تىركەلگەنىن مالىمدەدى.
سيرياداعى جاۋلاسۋشى تاراپتاردى تاتۋلاستىرۋ جونىندەگى رەسەيلىك ورتالىقتىڭ باستىعى سەرگەي كۋرالەنكونىڭ ايتۋىنشا، اڭگىمە لاتاكيا پروۆينتسياسىنداعى كبانا ەلدىمەكەنىن اتقىلاۋ جانە تۇركيا جاعىنان كەلگەن 100 شاقتى سودىرلار توبىنىڭ وزگە يسلامشىلارمەن بىرگە ەت-تەلل ەل-ابياد قالاسىنىڭ ءبىر بولىگىن (راككا قالاسىنان سولتۇستىككە تامان ورنالاسقان) باسىپ الۋى تۋرالى بولۋدا. رەسەيلىكتەردىڭ حابارلاماسىندا ولاردىڭ شابۋىلىن تۇرىك اۋماعىنان ارتيللەريا قولداعانىمەن، جەكسەنبى كۇنى تاڭەرتەڭ كۇرد جاساقتارىنىڭ سودىرلاردى قالادان قۋىپ شىققانى ايتىلادى.
اباي-اقپارات
