ءاى: قازاقستاندا ادام قۇقىعى ماسەلەسى ناشارلاپ كەتتى
Amnesty International حالىقارالىق ۇيىمى وتكەن جىلى قازاقستاندا ادام قۇقىقتارىنىڭ جاعدايى كۇرت ناشارلاپ كەتتى دەپ مالىمدەدى.
قۇقىق قورعاۋشىلار قازاقستاندا 2015 جىلدىڭ قاڭتار ايىندا "ارازدىقتى قوزدىرۋ" بابى ەنگەن جاڭا قىلمىستىق كودەكستىڭ قابىلدانعانىن اتاپ ءوتتى.
ۇيىمنىڭ بايانداماسىندا ازاماتتىق بەلسەندىلەر سەرىكجان مامبەتالين مەن ەرمەك نارىمباەۆتاردىڭ قازان ايىندا الەمۋەتتىك جەلىگە داۋلى كىتاپتىڭ ءۇزىندىسىن جاريالاعاندارى ءۇشىن، "ارازدىقتى قوزدىردى" دەپ ايىپتالعانىن، كەيىن "وكىنىش بىلدىرگەننەن سوڭ" بوساتىلعانى ايتىلعان.
AI قازاقستانداعى ادام قۇقىقتارىنىڭ احۋالى تومەندەگەنىن ۇكىمەتتىك ەمەس ۇيىمدار تۋرالى زاڭدارعا وزگەرىستەر ەنگىزگەنىمەن دە بايلانىستىرادى. وندا استانا رەسەيدىڭ ۇلگىسىمەن شەتەل قارجىلاندىراتىن ۇكىمەتتىك ەمەس ۇيىمدارعا سەنىمسىزدىك تانىتىپ، قارجىلاندىرۋ ءۇشىن ورتاق وپەراتور قۇرعان.
اباي-اقپارات
