سوتتالعانداردىڭ جەتەكشىسى بولعان وزبەكستاندىق مامايۋسۋف ماحمۋدوۆقا رەسەيدە جۇمىس ىستەپ جۇرگەن كەزدە «ودنوكلاسسنيكي» الەۋمەتتىك جەلىسى ارقىلى «يسلام مەملەكەتى» حالىقارالىق تەرروريستىك ۇيىمى وكىلدەرىمەن تانىسىپ، ولاردىڭ قۇرامىنا كىرۋگە ارەكەت جاساعان دەگەن ايىپ تاعىلدى.

نامانگان وبلىسى قۇقىق قورعاۋ ورگاندارىنداعى اقپارات كوزىنە سايكەس، مامايۋسۋف ماحمۋدوۆ 9 جىلعا باس بوستاندىعىنان ايىرىلعان. ال توپتىڭ قالعان مۇشەلەرى 5 جىلدان 8 جىلعا دەيىن سوتتالعان.

ولار رەسەيدەن وزبەكستانعا ورالىپ، سيرياعا كەتپەك بولعان كەزدە ۇستالعان دەلىنەدى. تەرگەۋ ءىسى بويىنشا، قاۋىپسىزدىك قىزمەتى ولاردى «ودنوكلاسسنيكي» جەلىسى ارقىلى حات الماسۋلارىن باقىلاپ، نامانگانعا كەلىسىمەن ۇستاعان.

«ينتەرفاكس» اگەنتتىگى نامانگان وبلىستىق پروكۋراتۋراسىنا سىلتەمە جاساپ، ولار وزدەرىن «جيھادشىلار» دەپ اتايتىنىن جازعان. «ولار ۇنەمى جينالىپ، راديكالدى ءدىني ادامداردىڭ جيھاد جاساڭدار دەگەن ۇندەۋلەرىن تىڭداپ كەلگەن»، – دەلىنگەن اگەنتتىك تاراتقان اقپاراتتا.

اباي-اقپارات