اۋىر اتلەتيكادان ەكى دۇركىن وليمپيادا چەمپيونى يليا يلين وليمپيادا ويىندارىنا قاتىسپايتىندىعى سەبەپتى، انگلياعا اتتانادى. بۇل تۋرالى كتك تەلەارناسىنا ونىڭ باپكەرى حابارلاعان.

دوپينگ داۋىمەن ۇستالعان اۋىر اتلەت يليا يلين انگلياعا بارىپ ءبىلىم جەتىلدىرمەكشى. سپورتشى ءبىراز ۋاقىتتان بەرى سپورت سالاسىنداعى پسيحولوگيا مەن مەنەدجمەنتتى مەڭگەرۋگە قىزىعۋشىلىق تانىتىپ ءجۇر ەكەن. الايدا سپورتشىنىڭ باپكەرى ەرجاس بولتاەۆ ونىڭ ناقتى قاي ۋنيۆەرسيتەتتە ءبىلىم الاتىنىن ايتپادى،-دەپ جازادى qazaquni.kz پورتالى.

“20 جىلدىق سپورتتىق مانسابىندا ونىڭ تولىقتاي وقۋ پروتسەسىن مەڭگەرۋىنە مۇمكىندىك تۋمادى. ەندى يليا كەمشىن تۇستارىن بىلىممەن تولىقتىرۋعا نيەت تانىتىپ وتىر. بىراق، جاتتىعۋلاردى دا تاستامايدى”، – ەدى ەرجاس بولتاەۆ.

بۇعان دەيىن يليا يلين جانە تاعى قازاقستاندىق ءۇش وليمپيادا چەمپيونى دوپينگ قابىلدادى دەگەن ايىپپەن سايىستاردان شەتتەتىلگەن بولاتىن. كەيىنىرەك مادەنيەت جانە سپورت ءمينيسترى ارىستانبەك مۇحامەديۇلى يليانىڭ ريو وليمپياداسىنا قاتىسپايتىندىعىن دا ايتقان. ءالى حالىقارالىق فەدەراتسيا بۇل ماسەلە بويىنشا ناقتى شەشىم قابىلدامادى.