«قازاقستانداعى ەڭ جاس ەكترەميست 17-29 جاس ارالىعىنداعى ازاماتتار» دەپ ۇقك سىلتەمە جاساي وتىرىپ،  NewTimes.kz سايتى جازادى.

ۇقك-نىڭ دەرەگى بويىنشا، قازاقستانداعى ەكسترەميزمگە قاتىسى بار ازاماتتار شەتەلدىك يدەولوگتاردىڭ ينتەرنەت ارقىلى تاراتاتىن تەرروريزم مەن ەكسترەميزم يدەيالارىمەن اربالسا، ەندى ءبىر بولىگى بۇرىن جاساعان قىلمىسى ءۇشىن تۇرمەدە وتىرعاندا سول جەردەن تەرروريزم مەن ەكسترەميزم يدەيالارىمەن ۋلانىپ شىعادى ەكەن.

ۇقك-نىڭ مالىمەتىنە قاراعاندا، ەكسترەميزمگە جاقىن نەمەسە سوعان قاتىسى بار ادامداردىڭ 55% 17-29 جاس ارالىعىنداعى جاستار بولسا، 35% 30-39 جاس شاماسىندا الا 10% 40 اسقان ادامدار. بۇلاردىڭ جالپى سانىمەن الىپ ەسەپتەگەندە، 12% بۇرىن ءبىر نەمەسە بىرنەشە رەت ءىستى بولىپ، سوتتالعاندار. ال، مۇنداي راديكالداردىڭ 56% ورتا ءبىلىم العان بولسا، 16% دا ورتا كاسىپتىك ءبىلىمى بار، 18 % جوعارعى ءبىلىمدى. جالپى سانعا شاققاندا مۇنداي ادامداردىڭ 6% عانا مەدرەسە ءدارىسىن تىڭداعان. راديكالدى باعىتقا تۇسكەن جاستار دەنى الەمەۋتتىك جاعدايى تومەنى جانە اكەسىز يا شەشەسىز وسكەن وتباسىندا وسكەن.

2010-2016 جىلدار ارالىعىندا ۇقك مەن قۇقىق قورعاۋ ورگاندارى بىرلەسە وتىرىپ، 42 راديكالدى توپتاردى جويعان.

NewTimes.kz سايتى ۇقك سىلتەمە جاساي وتىرىپ جاريالاعان بۇل اقپاراتتا «راديكالدى توپتاردىڭ ءبىر بولىگى بۇرىن جاساعان قىلمىسى ءۇشىن تۇرمەدە وتىرعاندا سول جەردەن تەرروريزم مەن ەكسترەميزم يدەيالارىمەن ۋلانىپ شىعادى» دەلىنسە، قر ىشكى ىستەر مينيسترلىگىنىڭ قىلمىستىق-اتقارۋ جۇيەلەرى كوميتەتى توراعاسىنىڭ ورىنباسارى مەيرام ايۋباەۆ تۇرمەگە تۇسكەن ادامدار ول جەردە ءدىني راديكالدى اعىمداردىڭ ىقپالىنا ءتۇسىپ كەتەدى دەگەندى جوققا شىعارىپ، ءدىني راديكاليزممەن سوتتالعان ازاماتتارمەن كەشەندى جانە جەكە پروفيلاكتيكالىق جۇمىستار جۇرگىزىلەتىنىن ايتتى دەپ zakon.kz جازادى.

نۇرا ماتاي

Abai.kz