بۇل تۋرالى قازاقستان مۇسىلماندارى ءدىني باسقارماسىنىڭ توراعا ورىنباسارى، نايب ءمۇفتي سەرىكباي قاجى وراز قاجىلىق كونكۋرسىنىڭ ىرىكتەۋىنەن وتكەن كومپانيا باسشىلارىمەن وتكەن جينالىستا ايتتى.

باسقوسۋ بارىسىندا نايب ءمۇفتي سەرىكباي قاجى وراز قمدب قاجىلىق ءبولىمىنىڭ جاڭا باسىشىسى بەيبىت مىرزاگەلديەۆپەن تانىستىرىپ، بيىلعى قاجىلىق ماۋسىمىندا اتقارىلاتىن جۇمىستارعا توقتالىپ ءوتتى.

«بيىل قازاقستانعا قاجىلىققا ءۇش مىڭ كۆوتا ءبولىندى. قاجىلىق قىزمەتى ەلىمىزدە جىلدان جىلعا جولعا قويىلىپ كەلە جاتىر. قىزمەت كورسەتۋ ساپاسى دا ارتۋدا. بيىلدا ەلىمىزدىڭ قاجىلارىنا Flynas اۋەكومپانياسى تولىقتاي قىزمەت كورسەتەدى. قاجىلار استانا، الماتى، شىمكەنت قالالارىنان تىكەلەي رەيس ارقىلى ۇشاتىن بولادى»، – دەدى سەرىكباي قاجى وراز.

جيىندا تۋرفيرمالاردىڭ ساپار بارىسىندا قىزمەت كورسەتۋ ساپاسىن ارتتىرۋ ماسەلەلەرى تالقىلانىپ، بىرنەشە تالاپتار قويىلدى. سونداي-اق،  بەيبىت مىرزاگەلديەۆ ميسسيا جۇمىسى تۋرالى مالىمەت بەرىپ، الداعى جۇمىس جوسپارى جايلى مالىمدەدى.

قمدب ءباسپاسوز قىزمەتى

اباي-اقپارات