"قۇرىلتاي پارلامەنتى" وپپوزيتسيالىق قوزعالىسىنىڭ جەتەكشىلەرى ءتورت پوليتسەيدى كەپىلدىككە الىپ، وزدەرىنىڭ ليدەرلەرى جيراير سەفيلياندى بوساتۋدى تالاپ ەتەدى. ول قارۋ-جاراقتى زاڭسىز ساقتادى دەگەن ايىپپەن تۇرمەدە وتىر. ارىپتەستەرى بولسا، ونى ساياسي تۇتقىن دەپ ەسەپتەيدى.

ازاتتىقتىڭ ارمەنيا قىزمەتىنىڭ حابارلاۋىنشا، الاڭعا شىققان دەمونسترانتتار ليدەرلەرىن بوساتۋدان وزگە، الاڭعا شىققان بەلسەندىلەرگە كۇش قولدانعان پوليتسيا قىزمەتكەرلەرىنە قارسى ءىس قوزعاپ، ال ۇستالعان بەلسەندىلەردى بوساتۋدى تالاپ ەتەدى.

ارمەنيا پوليتسياسى توراعاسىنىڭ ورىنباسارى ۋنان پوگوسيان جينالعاندارعا، ۇستالعان بەلسەندىلەردىڭ ءبارى تەرگەۋ ىسىنەن كەيىن بوساتىلادى دەپ ۋادە بەردى. ول عيماراتتى باسىپ الۋشىلارمەن كەلىسسوز جالعاسىپ جاتقانىن، كەپىلدە وتىرعان توعىز ادامنىڭ بەسەۋى بوساپ شىققانىن مالىمدەدى.

17 شىلدەدە ەرەۆاننىڭ ەرەبۋني اۋدانىندا ورنالاسقان پوليتسيا عيماراتىن وپپوزيتسيا وكىلدەرى باسىپ الدى. ءبىر پوليتسيا قىزمەتكەرى قازا تاۋىپ، تورتەۋى جارالاندى.