بۇگىن شۋلايمىز... 

ەرتەڭ تۇك بولماعانداي ۇمىتىپ كەتەمىز. 

اقتوبەدەگى تەراكت بولعان كۇنى دە قارا اسپاندى ءتوندىرىپ، قارا جامىلىپ ەدىك. ارى كەتسە ءبىر اپتا دابىرلادىق تا، تەرروريستەر جايلى مۇلدەم ۇمىتتىق. 

قازىر ۇلتىمىز بەن مەملەكەتىمىزگە قاۋىپ توندىرەر پروبلەمالار ءبىر كۇندىك باس تاقىرىپتىققا قانا جارايتىن، مەشەل جۋرناليستيكا پايدا بولدى. 

ەندى ەكى اپتادان كەيىن الماتىداعى وسى وقيعا جايلى جان-جاقتى سارالانىپ، بۇل قاندىقىرعىننىڭ ارتىندا كىمدەردىڭ تۇرعانى، كىمدەر تۇرۋى مۇمكىن ەكەنى، مۇنداي جاعدايدىڭ الدىن قالاي الۋ كەرەكتىگى جازىلسىنشى، بۇگىن شۋلاعاننىڭ ەشقايسىسى ول ماقالانى وقىمايدى. 

ويتكەنى، بۇل لانكەستىك تە ءبىر كۇننىڭ عانا باس تاقىرىبى. ەرتەڭ ۇلارداي شۋلاپ ءجۇرىپ، تاعى ءبىر سۇمدىق باس تاقىرىپ تاۋىپ الامىز.

ءبىزدىڭ بيلىككە ويلاناتىن كەز باياعىدا جەتكەن. جالپى ويلانا المايدى-اۋ، سولار! 

ەلدى ءتۇرلى اعىمداردان ساقتاۋ ءۇشىن نەندەي قادام جاساپ جاتىر؟ 

ارامىزدا وسىنشاما كوپ لانكەس "كىرىپ كەتكەنىن" ء(وسىپ-ونگەنىن) بايقاماي قايدا قاراپ وتىر؟

قاشانعى بەيكۇنا بەيبىت تۇرعىندار كوز جۇما بەرەدى؟ 

تارازداعى وقيعادان باستاساق، تىم تەرەڭگە كەتىپ قالامىز.

بەيبىت تۇرعىنداردىڭ قاۋىپسىزدىگىن قامتاماسسىز ەتە المايتىن بۇگىنگى جۇيەدەن شارشادىم. 

"بىزدە قوي ۇستىندە بوزتورعاي جۇمىرتقالاعان زامان" دەپ كوكيتىن اعايىن جاۋاپ بەرسىنشى...

"شاڭىراق" وقيعاسىنان باستاپ، بۇگىنگە دەيىن قانشا قىرعىن بولدى؟ ساناساڭىز ساۋساعىڭىز جەتپەيدى. 
ءدىنى بار، ساياساتى بار، باسقاسى بار، ايتەۋىر ءبىر تىنىشتالعان ەمەسپىز...

وسىندايدا الەمنىڭ 70-80 ميلليون حالقى بار ەلدەرمەن 17 ميلليون حالقى بار قازاقستاندى سالىستىرماۋلارىڭىزدى سۇرايمىن!

بەيبىت بولساق ەكەن! قان توگىلمەسە ەكەن! 

ءبىزدىڭ تىلەۋىمىز وسى عانا!

P/S

ء"دىني بوستاندىقتى" جەلەۋ ەتىپ، حالىقتى ءتۇرلى جولعا سالىپ جاتقان ءار اعىمنىڭ ىسىنە مەملەكەت جاۋاپتى. ولاردان كەلىپ-كەتەر قاۋىپتى باعامداي الماعاندىعى ءۇشىن...

قانات ابىلقايىر

Abai.kz