قر ءىىم-ءنىڭ ءباسپاسوز ورتالىعى باق ءۇشىن رەسمي اقپارات بەرە باستادى. رەسمي ورگاننىڭ تاراتىپ وتىرعان اقپاراتىندا الماتى قالاسىندا بولىپ جاتقان توتەنشە وقيعا بارىسى باياندالادى.

18 شىلدە كۇنى ساعات كۇندىزگى 11-دە الماتى قالاسىنداعى المالى اۋداندىق ىشىكى ىستەر دەپارتامەنتىنىڭ عيماراتىنا شابۋىل جاسالىپ، كۇزەتتەگى پوليتسيا قىزمەتكەرىنە وق اتقان كۇدىكتى ىشكى ىستەر قىزمەتكەرىنىڭ اۆتوماتىن الىپ، بوي جاسىرىپ كەتكەن.

قىلمىسكەردى جەدەل ىزدەستىرۋ شاراسىن قولعا العان «بوران» پوليتسيا ەكيپاجىنىڭ ەكى قىزمەتكەرى وق ءتيىپ جارالانعان. كۇدىكتى «قازاقكونتسەرت» اق-نىڭ اۋدانىندا قولعا ءتۇستى. بۇل جەردە دە قارۋلى قاقتىعىس بولىپ، ەكى پوليتسيا قىزمەتكەرى جاراقاتتاندى.

وكىنىشكە قاراي، تاعى ءبىر قىلمىسكەر كوشەدەگى جەڭىل كولىكتى توقتاتىپ، كولىك يەسىن ولتىرگەن. قىلىمسكەرمەن بەتپە-بەت كەلگەن ء ۇش پوليتسيا قىزمەتكەرى سول جەردە جان تاپسىرعان.

قولعا تۇسكەن كۇدىكتى 27 جاستا. بۇرىن سوتتالىپ، ءىستى بولعان قىزىلوردا وبلىسىنىڭ تۋماسى. ول وتكەن اپتادا ءبىر ايەلدى ءولتىردى دەگەن كۇدىككە ىلىنگەن ادام.

قالادا قىلمىسكەردىڭ سىبايلاسىن قۇرىقتاۋ ءۇشىن پوليتسيا جاساعانىڭ «سيرەنا» اتتى شۇعىل توبى قۇرىلىپ، جۇمىس جاساۋدا.

اباي-اقپارات