استانالىق ءبىر ەسسىز قالاداعى كوپىرلەردىڭ بىرىنە شىعىپ الىپ سەكىرمەك بولعانى ءۇشىن ورتالىق كوشەلەردەگى جول قوزعالىسى قيىنداپ، ءبىر جارىم ساعات كەپتەلىستە تۇرىپ قالدىق.

وسىلايشا مىڭداعان ادام جۇمىسىنا كەشىكتى. ءتىپتى جەدەل جاردەم كولىكتەرىن دە ارى وتكىزگەن جوق. ال ولاردىڭ كومەگىن كۇتىپ جاتقان قانشاما ناۋقاس بار. قىسقاسى، بۇل ءوزى وتە قيىن جاعداي ەكەن. ءبىر ادامنىڭ زالالى مىڭ تۇرعىندى اينالىپ وتكەن جوق. بۇدان دا قيىن جاعداي بولسا نە امال، كونەسىڭ، كورەسىڭ. بىراق بەتىن ارى قىلسىن دەيمىز.

قانشا جەردەن ءبىلىمدى بولايىق، وزات بولايىق، مەملەكەتتەگى تۇراقسىزدىق دەگەندى بىزدەر، جاس بۋىن، ءالى سەزىپ-بىلگەنىمىز جوق. نان باعاسىنىڭ 5-10 تەڭگەگە قىمباتتاۋى، كۇندە جەپ جۇرگەن kfs تاۋىقتارىنىڭ كەيدە تاۋسىلىپ قالۋى نەمەسە پويىزعا بيلەت الۋ ءۇشىن ارى كەتسە 1 ساعات كەزەكتە تۇرىپ قالۋىمىز، مىنە، كوپشىلىگىمىزدىڭ كورگەن اۋىرتپاشىلىقتارىمىز وسىنداي جاعداياتتاردان ءارى اسپايدى. وسىعان بولا كەيدە شامدانىپ، ءسوز قايتارىپ، تاعى جەر تەۋىپ قويامىز. كەشەگى اتا-اجەلەرىمىزدىڭ، اتا-انالارىمىزدىڭ تارتقان مەحناتتارىن بىزدەر ءبىر ساتكە دە كوتەرىپ تۇرا الماس ەدىك-اۋ دەپ ويلايمىن. بالتىرىمىز شارت سىنىپ، شىداس بەرمەس ەدىك... جاي، ىستىق شاي ءىشىپ وتىرىپ جازعان ءبىر ۇزىك ويىم...

ازامات بيتان

Facebook-تەگى پاراقشاسىنان