“قازاق ءۇنى” ۇلتتىق پورتالىنا ەكى كۇننەن بەرى تەحنيكالىق زيان كەلتىرىپ، تۇساۋلاۋ شابۋىلى جاسالۋدا. بۇل تۋرالى qazaquni.kz  سايتى حابارلايدى.

“قازاق ءۇنى” ۇلتتىق پورتالىنىڭ رەيتينگى ءبىر كۇننىڭ ىشىندە الدىڭعى قاتارداعى 35-40-شى ورىنداردان 300-ءشى ورىنعا ء بىر-اق ءتۇستى. پورتالدىڭ تەحنيكالىق جۇمىسىن قاداعالايتىن ارنايى پروگرامميستەر توبىنىڭ جۇمىسى ناتيجەسىندە سايت سەرۆەرىنە شابۋىل جاسالعانى انىقتالدى. ياعني، سايتتىڭ  IP ادرەسى بۇعاتتالىپ، xوستينگ تاراپىنان شەكتەۋلەر بولىپ، ساناق سايتتار “قازاق ءۇنىن” ساناققا الماي جاتىر… 

 سونىڭ ناتيجەسىندە سايتتىڭ جۇمىس ىستەۋ جىلدامدىعى ازايىپ، رەيتينگتەرى كۇرت تومەندەپ، كەيبىر ءوتىمدى ماقالالار اشىلماي قالۋدا. سايتتار 300 وقىرماننان ارتىق قولدانۋشىلاردى قابىلداي المايدى.  Qazaquni.kz رەداكتسياسىنا حابارلاسقان وقىرماندار سايتقا كىرۋ قيىندىق تۋعىزىپ جاتقانىن حابارلاۋدا.  وسىلاي ەلىمىزدەگى بەدەلدى قازاقتىلدى ينتەرنەت باسىلىمدارعا سەرۆەرلىك شابۋىلدار جاسالۋ جالعاسۋدا.

بۇل شابۋىلداردىڭ ارتىندا كىم تۇرعانى، وكىنىشكە وراي، بەلگىسىز. ءبىر انىعى – قازاقتىلدى باسىلىمدارعا شابۋىل جاساۋشىلار  تاۋەلسىز قازاق ەلىنىڭ ۇلتتىق  مۇددەسىنە قارسى توپتار ەكەنى ايقىن…

اباي-اقپارات