رەسەي بانكتەرى كەپىلدە تۇرعان 17 مىڭ وزبەك اۆتوكولىگىنە تىيىم سالدى
GM Uzbekistan كومپانياسىنىڭ بۇرىنعى باس ديرەكتورى توحيرجون جاليلوۆ جانە اۆتوكونتسەرننىڭ باسقا دا جوعارى لاۋازىمدى باسشىلارى قىمبات مۇلىكتەر مەن بيزنەس-قۇرىلىمداردى رەسەيلىك بانكتەردىڭ نەسيەسىنە العان. بانككە كەپىلگە قويىلعان 17 مىڭ اۆتوموبيلگە تىيىم سالىندى.
وزبەك-امەريكا كونتسەرنىندەگى قارجى قىلمىسىنان كەلگەن زالال كولەمى جارتى ميلليارد اقش دوللارى، دەلىنگەن تەرگەۋ قۇجاتتارىندا.
كەيبىر مالىمەتتەر بويىنشا، وزبەكستان اۆتوموبيل وندىرىسىندە ۇزاق جىلدار بويى باسشىلىق قىزمەتتە بولعان گايرات نيازوۆ تاشكەنتتە تەرگەلدى. نيازوۆقا 500 ميلليون دوللار بەرەشەكتەن ء«تۇرلى جولدارمەن» قۇتىلۋ مىندەتى قويىلعان دەلىنەدى.
بىرقاتار دەرەكتەرگە قاراعاندا، نيازوۆتىڭ GM Uzbekistan باسقارۋ جۇيەسى قۇرامىندا قالۋىن بىرلەسكەن كاسىپورىننىڭ امەريكالىق وكىلدەرى قوستاپ وتىرعان جوق. ولار GM Uzbekistan كومپانياسىنداعى سىبايلاسقان جەمقورلىق تۋرالى مالىمەتتەر اقش ادىلەت مينيسترىلىگىنىڭ نازارىنا ىلىككەنىن قالامايدى. نيازوۆ كەلتەرىلگەن وراسان زور زالالدىڭ ورنىن تولتىرۋ ءۇشىن جاليلوۆتىڭ مۇلىكتەرىن ساتا باستاعانى بەلگىلى بولدى.
جاليلوۆتىڭ ءوزى قازىر وزبەكستان ۇلتتىق قاۋىپسىزدىك قىزمەتىنىڭ تەرگەۋ اباقتىسىندا وتىر. ول رەسەيدە ءىرى كاسىپورىندار مەن بىرنەشە جىلجىمايتىن مۇلىككە يە ەكەنى انىقتالدى.
اباي-اقپارات
